پاکستان شوبز کے سینیئر اور لیجنڈری آرٹسٹ بشری انصاری نے ساتھی فنکارجاوید شیخ سے شادی نہ کرنے کی وجہ بتادی۔
بشریٰ انصاری اور جاوید شیخ سال 2024 کے سب سے کامیاب آن اسکرین جوڑوں میں سے ایک ہیں کیونکہ اںہیں انتہائی کامیاب اور مشہور ڈرامے “کبھی میں کبھی تم “میں شگفتہ اور افتخار کے روپ میں خوب شہرت ملی۔ دونوں فنکار پی ٹی وی کے زمانےسے ایک دوسرے کے ساتھ کام کرتے چلے آرہے ہیں اور ایک دوسرے کے بہت گہرے دوست ہیں۔ وہ ایک مارننگ شو میں نظر آئے اور ایک مزاحیہ کہانی شیئر کی۔
منال خان کی والدہ اُن کے شوہر کو کیوں پسند نہیں کرتیں؟
بشریٰ انصاری نے انکشاف کیا کہ ان کے ایک سینئر آرٹسٹ قاضی واجد نے ایک بار انہیں اور جاوید شیخ کو شادی کرنے کا مشورہ دیا تھا ۔ جس پر میں نے ان کے اس خیال کو فورا سنتے ہی رد کر دیا اور کہا کہ ایسا کبھی نہیں ہونے والا ہے۔
اپنی عمر سے متعلق بیان پر ٹرولنگ کرنے والوں کو نادیہ خان کا منہ توڑ جواب
انہوں نے مزاحیہ انداز میں مزید کہا کہ میں جانتی تھی کہ میں تو ایک جگہ ٹک کر بیٹھ جاوں گی لیکن جاوید ایک پرندہ ہے جو ایک شاخ پر نہیں جمے گا اور اس خیال کو مسترد کر دیا۔ اس کے بعد بھی انہوں نے ہمیں کئی بار ایک دوسرے سے ملانے کی کوشش کی ۔
جاوید شیخ نے مزاحیہ انداز میں یہ کہا کہ ان کے خیال میں بشریٰ بہت خوبصورت ہے اور انہیں بہت پیاری لگتی ہے۔
