عالمی شہرت یافتہ میوزک ڈائرکٹر اے آر رحمان اور فلم’پونیئن سیلوان 2’پروڈکشن کمپنی ایک بار پھر تنازعات میں پھنس گئی ہے۔
بھارتی میڈیا کے مطابق عالمی شہرت یافتہ بھارتی موسیقار و گلوکار اے آر رحمٰن اور ساؤتھ انڈین فلم’پونیئن سیلوان 2’ کی پروڈکشن ہاؤس پر دہلی ہائی کورٹ نے کاپی رائٹ کے مقدمے میں 2 کروڑ بھارتی روپے کا جرمانہ عائد کر تے ہوئے عدالت میں جمع کروانے کی ہدایت کی ہے۔
بھارتی ذرائع ابلاغ کے مطابق جسٹس پرتھیبا ایم سنگھ نے 25 اپریل کو اپنا فیصلہ سناتے ہوئے واضح کیا کہ عام ناظرین کے نقطہ نظر سے فلم ’پونیئن سیلوان 2‘ میں اے آر رحمان کا تیار کردہ گانا ’ویرا راجا ویرا‘ جونیئر ڈگر برادران کی لازوال تخلیق ’شیو ستوتی‘ سے محض متاثر نہیں ہے، بلکہ یہ اس کی واضح نقل ہے۔
اے آر رحمان میرے والد کی طرح ہیں، افیئر کی خبروں پر موہنی ڈے کا ویڈیو بیان
جسٹس پرتھیبا ایم سنگھ نے اس عمل کو اصل موسیقاروں کے حقوق کی صریحاً خلاف ورزی قرار دیتے ہوئے 2 کروڑ بھارتی روپے کا بھاری جرمانہ بھی عائد کر دیا ہے۔
اس کے ساتھ ہی عدالت نے اے آر رحمان کو فلم میں جونیئر ڈگر برادران یعنی مرحوم استاد این فیاض الدین ڈگر اور مرحوم استاد ظہیر الدین ڈگر کو ان کی خدمات کا اعتراف کرتے ہوئے کریڈٹ دینے کا حکم بھی صادر کیا ہے۔
مزید برآں عدالت نے پروڈکشن ہاؤس کو مرحوم فنکاروں کے خاندان کو 2 لاکھ روپے بطور ہرجانہ ادا کرنے کی بھی ہدایت کی ہے۔
اے آر رحمان کی طلاق پر بچوں کا ردعمل سامنے آگیا
واضح رہے کہ استاد فیاض واصف الدین ڈگر جو کہ فیاض الدین ڈگر کے بیٹے اور ظہیر الدین ڈگر کے بھتیجے ہیں انہوں نے عدالت میں دعویٰ دائر کیا تھا کہ وہ جونیئر ڈگر برادرز کی تمام تر موسیقی کے کاپی رائٹ کے واحد مالک ہیں جس میں مشہور ’شیو ستوتی‘ بھی شامل ہے۔
عدالت نے پروڈکشن ہاؤس کو مرحوم فنکاروں کے خاندان کو 2 لاکھ روپے بطور ہرجانہ ادا کرنے کی بھی ہدایت کی ہے۔
