اداکار و ہدایتکار رتیش دیش مکھ کی آنے والی مراٹھی فلم ”راجا شیواجی“ کی شوٹنگ کے دوران ایک 26 سالہ ڈانسر سوربھ شرما دریائے کرشنا میں ڈوب کر ہلاک ہو گئے۔ ان کی لاش دو دن بعد برآمد ہوئی۔
پولیس کے مطابق، یہ واقعہ منگل کی شام ستارا ضلع کے علاقے سنگم مہولی میں پیش آیا، جہاں دریائے کرشنا اور وینا آپس میں ملتے ہیں۔ یہ مقام ممبئی سے تقریباً 250 کلومیٹر دور ہے، اور وہیں فلم کی شوٹنگ جاری تھی۔
سہیل خان کی سابقہ اہلیہ کو سابق شوہر سے جان کا خطرہ؟
حادثہ اس وقت پیش آیا جب گانے کی شوٹنگ مکمل ہونے کے بعد، جس میں رنگوں کا استعمال کیا گیا تھا، سوربھ شرما ہاتھ دھونے کے لیے دریا کے کنارے گئے۔ ہاتھ دھونے کے بعد وہ تیرنے کے لیے دریا میں اترے، لیکن پانی کے تیز بہاؤ کی وجہ سے بہہ گئے اور لاپتہ ہو گئے۔
فوری طور پر پولیس اور ضلعی انتظامیہ کو اطلاع دی گئی، جس کے بعد ڈیزاسٹر ریسپانس ٹیم اور مقامی رضاکاروں نے مل کر تلاش کا عمل شروع کیا۔ تاہم، اندھیرا ہونے کی وجہ سے منگل کی رات سرچ آپریشن روک دیا گیا تھا، جو بدھ کی صبح دوبارہ شروع کیا گیا۔
کرینہ کے دل کے سب سے قریب کون سا ’خان‘ ہے؟
جمعرات کی صبح تقریباً 7:30 بجے پولیس اور ریسکیو ٹیم نے سوربھ شرما کی لاش دریائے کرشنا سے برآمد کی۔ ستارا پولیس نے واقعے کی تحقیقات شروع کر دی ہے اور اسے حادثاتی موت کے طور پر درج کر لیا گیا ہے۔
”راجا شیواجی“ ایک دو لسانی (مراٹھی اور ہندی) فلم ہے، جو چھترپتی شیواجی مہاراج کی زندگی پر مبنی ہے۔ فلم کے ہدایتکار اور مرکزی کردار خود رتیش دیش مکھ ادا کر رہے ہیں
