معروف سوشل میڈیا شخصیت اور ابھرتی ہوئی اینکر، سجل ملک نے پہلی بار انکشاف کیا کہ مشہور اداکار و میزبان عمران اشرف ان کے رشتہ دار ہیں۔
سجل ملک نے حال ہی میں ایک پوڈکاسٹ میں شرکت کی جہاں انہوں نےگفتگو کے دوران بتایاکہ ، جی ہاں، عمران اشرف ہمارے قریبی رشتہ دار ہیں۔ دراصل وہ میری والدہ کے کزن ہیں۔ وہ میری والدہ کو بخوبی جانتے ہیں اور اکثر خاندانی تقریبات جیسے شادیوں میں شریک ہوتے ہیں، مگر میری ان سے کبھی ملاقات نہیں ہوئی، نہ ہی کسی شو میں، اور نہ ذاتی طور پر۔
فیصل رحمٰن کا حیران کن انکشاف، ’میں نے بچپن میں قائداعظم سے ملاقات کی‘
انہوں نے مزید بتایا کہ، انہیں اس رشتے پر فخر ہے لیکن انہوں نے کبھی اس تعلق کو اپنے کیریئر کے لیے استعمال نہیں کیا۔
سجل نے یہ بھی انکشاف کیا کہ انہوں نے ایک بار انسٹاگرام پر عمران اشرف سے رابطہ کیا تھا تاکہ اداکاری کے میدان میں قدم رکھنے کے لیے رہنمائی حاصل کر سکیں۔
گھریلو ناچاقی اور اہلیہ کے الزامات نے معروف فیشن ڈیزائنر کی شہرت کو ہلا کر رکھ دیا
انہوں نے کہا کہ، میں نے انہیں میسج میں بتایا کہ میں ان کی کزن کی بیٹی ہوں اور اپنی والدہ کی تصویر بھی شیئر کی۔ انہوں نے وعدہ کیا تھا کہ کسی جگہ میری سفارش کرنے کی کوشش کریں گے، لیکن بدقسمتی سے، بعد میں میں نے اپنا انسٹاگرام اکاؤنٹ کھو دیا اور وہ چیٹ بھی ختم ہو گئی۔
سجل نے بتایا کہ وہ اداکارہ بننا چاہتی تھیں، لیکن اینکرنگ کا سفر اتفاقاً شروع ہوا۔ وہ اس وقت مختلف ایجنسیوں سے بھی رابطے میں تھیں تاکہ کام کے مواقع حاصل کر سکیں۔
