بھارتی کرکٹ ٹیم کے ہیڈ کوچ اور سابق رکنِ پارلیمنٹ گوتم گمبھیر کو ایک سنگین دھمکی آمیز ای میل موصول ہوئی ہے جس میں انہیں جان سے مارنے کی بات کی گئی ہے۔ ای میل میں صرف تین الفاظ درج تھے، ’میں تمہیں ماردوں گا‘ اور اس کے موضوع میں ’ISIS‘ یعنی داعش کا حوالہ دیا گیا ہے۔
گمبھیر نے اس ای میل کے بعد نئی دہلی کے راجندر نگر پولیس اسٹیشن میں شکایت درج کرائی، جس پر بھارتی پولیس اور سائبر سیل نے تحقیقات کا آغاز کر دیا ہے۔ ای میل کی صداقت، بھیجنے والے کی شناخت اور محرکات جاننے کے لیے سیکیورٹی ادارے سرگرم عمل ہیں۔
سابق بھارتی کرکٹر کے گوتم گمبھیر پر سنگین الزامات، حقیقت ظاہر کردی
یہ واقعہ ایسے وقت پیش آیا ہے جب چند روز قبل جموں و کشمیر کے علاقے پہلگام میں ایک حملے میں متعدد افراد کی ہلاکت ہوئی۔ اس حملے کے بعد سوشل میڈیا پر گوتم گمبھیر کی جانب سے ایک سخت ردعمل بھی سامنے آیا۔
گوتم گمبھیر حال ہی میں فرانس میں فیملی کے ساتھ تعطیلات گزار کر وطن واپس لوٹے ہیں اور اس وقت انڈین پریمیئر لیگ 2025 کے دوران چھٹی پرہیں، جیسا کہ قومی ٹیم کے ہیڈ کوچز کو اس عرصے میں آرام دیا جاتا ہے۔
کوچ کی حیثیت سے ان کا سفر نشیب و فراز کا شکار رہا ہے۔ جہاں مارچ میں بھارت نے چیمپئنز ٹرافی 2025 جیتی، وہیں ابتدائی دنوں میں ٹیم کو کئی ناکامیوں کا سامنا کرنا پڑا، جن میں سری لنکا کے خلاف ون ڈے سیریز میں شکست، نیوزی لینڈ سے ہوم گراؤنڈ پر 0-3 سے وائٹ واش اور آسٹریلیا میں 1-3 کی سیریز شکست شامل ہیں۔
پاکستان مخالف گوتم گمبھیر کے ساتھ ہاتھ ہو گیا
تاہم اس واقعے کے بعد پولیس اور سیکیورٹی ادارے اس دھمکی کو سنجیدگی سے لے رہے ہیں، اور گمبھیر کی سیکیورٹی مزید سخت کیے جانے کا امکان ہے۔
