بالوں کا گرنا یا گنج پن آج کل بہت سے افراد کے لیے ایک سنجیدہ مسئلہ بن چکا ہے۔ لیکن اگر وقت پر صحیح اقدامات کیے جائیں اور روزمرہ زندگی میں چند آسان تبدیلیاں لائی جائیں تو دوبارہ بال اگنے کے امکانات میں اضافہ ہو سکتا ہے۔
ماہرین اور انٹرنیٹ ذرائع سے حاصل کردہ یہ چند مؤثر ٹپس آپ کی مدد کر سکتی ہیں.
تربوز یورک ایسڈ کیسے کم کرتا ہے
سر پر نرم مساج کریں
روزانہ سر کی ہلکی مالش نہ صرف ذہنی سکون دیتی ہے بلکہ خون کی روانی کو بہتر بناتی ہے، جو بالوں کی جڑوں (ہیئر فولییکلز) کو متحرک کر کے نئی نشوونما میں مدد دیتی ہے۔
ہلکے اور محفوظ ہیئر پروڈکٹس استعمال کریں
ہمیشہ ایسے شیمپو اور کنڈیشنر کا انتخاب کریں جو سلفیٹ فری ہوں تاکہ بالوں کی قدرتی نمی اور تیل محفوظ رہیں اور بال کمزور نہ ہوں۔
کیا چرس سے کینسر کا علاج واقعی ممکن ہے؟ حقیقت جانئے
لوٹین سے بھرپور غذائیں کھائیں
پالک، گاجر، انڈے اور دیگر سبزیاں جو لوٹین سے بھرپور ہوں، بالوں کو اندر سے مضبوط بنانے اور ان کی افزائش میں مدد دیتی ہیں۔
کیسٹر آئل کا استعمال
کیسٹر آئل میں موجود رسی نولیک ایسڈ بالوں کی جڑوں کو غذائیت فراہم کرتا ہے اور ان کی مضبوطی اور دوبارہ اگنے کے عمل کو سہارا دیتا ہے۔ اسے ہفتے میں دو بار سر پر لگا کر نرم مساج کریں۔
ہیٹ اسٹائلنگ سے پرہیز کریں
اسٹریٹنر، کرلر یا بار بار ڈرائیر کا استعمال بالوں کو نقصان پہنچاتا ہے۔ کوشش کریں کہ بالوں کو قدرتی حالت میں رکھیں تاکہ ان کی نشوونما متاثر نہ ہو۔
پانی زیادہ پئیں اور پروٹین لیں
ہائیڈریٹ رہنا اور پروٹین سے بھرپور غذا (جیسے انڈے، دالیں، گوشت) لینا بالوں کو اندرونی طور پر صحت مند رکھتا ہے۔
چوڑے دانتوں والا کنگھا استعمال کریں
گیلے بالوں کو سلجھانے کے لیے ہمیشہ چوڑے دندان والے کنگھے یا نرم برش کا استعمال کریں تاکہ ٹوٹ پھوٹ سے بچا جا سکے۔
قدرتی ماسک لگائیں
پیاز کے جوس یا ایلوویرا جیل کے ماسک بالوں کی جڑوں میں خون کی گردش کو بہتر بناتے ہیں اور بالوں کی افزائش میں مدد دیتے ہیں۔ ہفتے میں ایک سے دو بار لگانا مفید ہے۔
سوتے وقت بالوں کی حفاظت کریں
سلک یا ساٹن کے تکیے کے غلاف کا استعمال بالوں کو ٹوٹنے اور رگڑ سے بچاتا ہے۔ روئی کے تکیے بالوں کی رگڑ اور خشکی کا سبب بن سکتے ہیں۔
ذہنی دباؤ پر قابو پائیں
اسٹریس اور ٹینشن بھی بالوں کے گرنے کی بڑی وجوہات میں شامل ہیں۔ یوگا، واک یا مراقبہ جیسے طریقے اپنائیں تاکہ ذہنی سکون حاصل ہو اور بال صحت مند رہیں۔
اگر آپ ان آسان اور قدرتی طریقوں کو اپنی روزمرہ زندگی کا حصہ بنائیں، تو ممکن ہے کہ آپ کے بال دوبارہ اگنے لگیں اور مضبوط بھی ہوں۔ یاد رکھیں، صبر اور مستقل مزاجی سے ہی نتائج حاصل ہوتے ہیں۔
