سورج غروب ہونے کے قریب، سیاروں کی ایک نایاب ہم آہنگی آسمان پر ایک مسکراہٹ کی شکل میں نظر آنے والی ہے۔
دنیا بھر میں ستاروں کے شوقین افراد کو 25 اپریل، جمعہ کے روز ایک منفرد اور شاندار منظر کا سامنا ہوگا جب تین سیارے، زہرہ (ونس)، سیٹرن (زحل)، اور چاند کی ہلالی شکل آسمان پر ایک ”مسکراہٹ“ بنائیں گے۔ یہ نایاب سیاروی ہم آہنگی کچھ ہی وقت کے لیے نظر آئے گی، لیکن یہ دنیا بھر میں دیکھی جا سکے گی۔
نیا واٹس ایپ فراڈ: تصویر ڈاؤن لوڈ کرنے سے فون ہیک اور بینک اکاؤنٹ خالی ہونے کی حقیقت کیا؟
کیا ہے تِھریپل کنجَنکشن؟
تِھریپل کنجَنکشن اُس وقت کو کہا جاتا ہے جب تین آسمانی سیارے ایک ساتھ آسمان پر ایک خاص ترتیب میں نظر آئیں، جیسا کہ 25 اپریل کو ہوگا۔
اس دن صبح کے وقت، زہرہ، زحل اور ہلالی چاند آسمان کے مشرقی افق پر بہت قریب نظر آئیں گے، اور یہ ترتیب ایک مسکراہٹ کی مانند دکھائی دے گی۔
کب اور کہاں دیکھا جا سکتا ہے؟
اس سیاروی ہم آہنگی کو دنیا بھر میں دیکھا جا سکے گا، بشرطیکہ آسمان صاف ہو۔ آپ کو 25 اپریل کی صبح، سورج اُٹھنے سے ایک گھنٹہ قبل، مشرقی افق کی طرف دیکھنا ہوگا۔
امریکہ جانے والے برنر فون کیوں استعمال کر رہے ہیں؟ برنر فون کیا ہیں؟
اس منظر کو دیکھنے کے لیے آپ کو چمکدار سیاروں کا نظارہ دیکھنے کو ملے گا ہوگا جو ایک مسکراہٹ کے طور پر واضح طور پر دکھائی دیں گے۔
“زہرہ مشرقی افق سے بلند نظر آئے گا جبکہ زحل نیچے ہوگا، اور ہلالی چاند ان دونوں کے درمیان تھوڑا نیچے اور شمال کی طرف دکھائی دے گا۔
یہ چھوٹا سا چاند مسکراہٹ کی شکل میں نظر آئے گا، اور ان تین اجسام کا مثلثی منظر ایک مسکراہٹ کی مانند لگے گا,“ ناسا کی سسٹم ایمبیسیڈر، برنڈا کلبرٹسن نے کہا۔
اس نایاب ہم آہنگی کو دیکھنے کے لیے آپ کو مشرقی افق کی طرف دیکھنا ہوگا، اور یہ منظر صبح سویرے، سورج اُٹھنے سے ایک گھنٹہ پہلے نظر آئے گا۔ اگر آپ اسے بہتر طریقے سے دیکھنا چاہتے ہیں تو صاف افق کی تلاش کریں۔
زہرہ اور زحل کوبراہ راست آنکھوں سے آسانی سے دیکھا جا سکتا ہے، لیکن اگر آپ اسے نزدیک سے دیکھنا چاہتے ہیں تو اچھے بیک یارڈ دوربین یا اسٹار گیزنگ بائنوکولر کا استعمال مفید ہو سکتا ہے۔
کچھ لوگوں کو چمکتے ہوئے سیاروں کے ساتھ ساتھ مرکری (سیارہ عطارد) بھی نظر آ سکتا ہے جو ان تینوں کے نیچے چمکتا ہوا نظر آ رہا ہوگا۔
یہ نایاب واقعہ لیریڈ میٹر شاور کے عروج کے بعد ہو رہا ہے، جس کا مطلب ہے کہ رات کا آسمان پہلے ہی سرگرمیوں سے بھرا ہوا ہوگا۔ یہ ایک شاندار قدرتی منظر کا حصہ بننے کا بہترین موقع ہے۔
