بھارتی گلوکار اور ریپر یو یو ہنی سنگھ ایک بار پھر اپنی ذاتی زندگی کی وجہ سے خبروں کی زینت بن گئے ہیں۔
اس بار ان کا نام 25 سالہ مصری ماڈل ایما بکر کے ساتھ جوڑا جا رہا ہے، جن کے ساتھ ان کی بڑھتی ہوئی قربتوں نے سوشل میڈیا پر ڈیٹنگ کی افواہوں کو جنم دے دیا ہے۔
عامر کی گوری کے ساتھ تصویر میں جنید خان کی موجودگی سے لوگ حیران کیوں؟
گزشتہ دنوں ہنی سنگھ نے ایما بکر کی سالگرہ کی ایک پرتعیش تقریب میں شرکت کی، جس کی ویڈیو خود انہوں نے انسٹاگرام پر شیئر کی۔
ویڈیو میں دیکھا جا سکتا ہے کہ وہ ایک ریسٹورنٹ میں ایما کے ہمراہ موجود ہیں، جہاں نہ صرف دونوں ایک دوسرے کا ہاتھ تھامے نظر آتے ہیں بلکہ خوشگوار موڈ میں ہنسی مذاق بھی کرتے دکھائی دیتے ہیں۔
تمنا بھاٹیا کی ’نو انٹری 2‘ میں انٹری کا امکان روشن
تقریب میں کیک کاٹنے کے لمحے کے ساتھ ساتھ، ریستوران کے عملے کی جانب سے گائے گئے سالگرہ کے گانے اور ہنی سنگھ کا مقبول گانا ”ملینیئر“ پس منظر میں چلتا ہوا ماحول کو مزید خوبصورت بناتا ہے۔
ہنی سنگھ نے ویڈیو کے کیپشن میں ایما کو ”کلیوپیٹرا“ یعنی مصر کی تاریخی ملکہ قرار دیا اور لکھا، ”ہیپی برتھ ڈے قلوپطرہ، ایما!! محبت ہے تم سے، اسٹیو بھائی۔“
اس ویڈیو کے بعد سوشل میڈیا پر تبصروں کا طوفان آ گیا۔ ایک صارف نے لکھاکہ ’خوبصورت جوڑی، یو یو اور ایما… ہمیشہ خوش رہیں۔‘
جبکہ ایک اور صارف نے مختصر مگر مؤثر تبصرہ کیا: ”Hot!“
ایما بکر مصر سے تعلق رکھنے والی ایک ماڈل اور اداکارہ ہیں۔ وہ ہنی سنگھ کی متعدد میوزک ویڈیوز میں بھی نظر آ چکی ہیں۔
رپورٹس کے مطابق دونوں کو 2023 میں بھی کئی بار ایک ساتھ دیکھا گیا تھا، لیکن حالیہ ویڈیو نے ان کے درمیان مبینہ تعلقات کی افواہوں کو مزید تقویت دی ہے۔
ایما انسٹاگرام پر بھی کافی سرگرم ہیں، جہاں ان کے ڈھائی لاکھ سے زائد فالوورز ہیں۔
جہاں تک ہنی سنگھ کا تعلق ہے انہوں نے 2011 میں شلینی تلوار سے شادی کی تھی، تاہم 2022 میں دونوں کے درمیان علیحدگی ہو گئی اور 2023 میں باقاعدہ طلاق ہو گئی۔
اس کے بعد جنوری 2023 میں انہوں نے ماڈل و اداکارہ ٹینا تھادانی کو اپنے پارٹنر کے طور پر متعارف کروایا، مگر یہ تعلق بھی اپریل 2023 میں ختم ہو گیا۔
2024 میں ہنی سنگھ کو اداکارہ ہیرا سوہال کے ساتھ آئیفا ایوارڈز“ایوارڈز کے دوران ہاتھوں میں ہاتھ ڈالے دیکھا گیا، لیکن اس تعلق کی کبھی تصدیق نہیں ہوئی۔
فی الحال ہنی سنگھ یا ایما بکر کی جانب سے اس تعلق پر کوئی باضابطہ بیان سامنے نہیں آیا، لیکن دونوں کی کیمسٹری اور باہمی قربت نے مداحوں کو ضرور سوچنے پر مجبور کر دیا ہے کہ کیا یو یو ہنی سنگھ ایک بار پھر محبت میں گرفتار ہو چکے ہیں؟
