کچن صرف کھانا بنانے کی جگہ نہیں، بلکہ گھر کا دل ہوتا ہے۔ جب ہر چیز اپنی جگہ پر ہو، ہر چیز صاف ہو، تو کھانا پکانا نہ صرف آسان بلکہ ذہنی سکون بخش بھی ہوتا ہے۔ لیکن اگر کچن میں برتن بکھرے ہوں، بدبو ہو اور جگہ جگہ داغ دھبے ہوں، تو کھانا پکانے کا مزہ بھی ختم ہو جاتا ہے۔
ایک گندا کچن صرف بدصورتی نہیں، بلکہ جراثیم اور بیماریوں کی آماجگاہ بھی بن سکتا ہے۔ اسی لیے کچن کی صفائی نہایت ضروری ہے۔
برف جمانے والی ٹرے کےدلچسپ اور تخلیقی استعمال ۔ پانی جمانے سے کہیں زیادہ
آپ سوچ سکتی ہیں کہ روز روز صفائی مشکل کام ہے، لیکن اگر چند آسان عادتیں اپنا لی جائیں، تو یہ کام بہت آسان ہو جاتا ہے۔
کچن صاف رکھنے کی چار بڑی وجوہات
خوراک سے پیدا ہونے والی بیماریوں سے بچاؤ
بچا ہوا کھانا، گندے برتن اور کچرا جراثیم کو پھیلنے کا موقع دیتے ہیں۔ روزانہ صفائی سے کراس کنٹیمنیشن سے بچا جا سکتا ہے۔
انوکھا ڈر: خاتون نے 20 سال سے پھل اور سبزی کیوں نہیں کھائی؟
کھانے کے ذائقے میں بہتری آتی ہے۔ صاف برتن اور کچن کا ماحول کھانے کے ذائقے، خوشبو اور تازگی کو برقرار رکھتا ہے۔
گھر کی ہوا میں بہتر ہوتی ہے۔ بدبودار سنک، پرانا تیل اور کھانے کی مہک گھر کی فضا کو متاثر کرتی ہے۔ کچن کی صفائی سے ہوا خوشگوار رہتی ہے۔
وقت اور محنت کی بچت ہوتی ہے۔ ہر چیز اپنی جگہ ہو تو کھانا بنانا آسان ہو جاتا ہے، اور وقت کی بچت بھی ہوتی ہے۔
روزمرہ صفائی کی 7 آسان عادتیں
ہر بار کھانا بنانے کے بعد کاؤنٹر صاف کریں۔
کچن کاؤنٹر کو ہر استعمال کے بعد صاف کریں تاکہ چکنائی اور داغ نہ جمیں۔
جب بھی کھانا کھائیں ۔ برتن ضرور دھو لیں۔ کھانے کے دوران ہی برتن دھونا بعد میں بوجھ کم کرتا ہے۔
چیزیں گرتے ہی صاف کریں۔ اگر دودھ، جوس یا سالن گرجائے تو فوراً صاف کریں تاکہ کیڑے نہ آئیں اور داغ نہ پڑیں۔
سنک روز صاف کریں۔ برتن دھونے کے بعد سنک میں بچا ہوا کھانا یا تیل صاف کریں تاکہ بدبو اور بندش نہ ہو۔
روز کچرا باہر نکالیں۔ کچرا روز صبح باہر پھینکنے کی عادت اپنائیں تاکہ کیڑے نہ آئیں اور بدبو نہ ہو۔
کیبینیٹ کے ہینڈل اور دروازے صاف کریں۔ یہ وہ جگہیں ہیں جو اکثر چھوئی جاتی ہیں لیکن صفائی میں نظر انداز ہو جاتی ہیں۔
دن کے اختتام پر فرش صاف کریں۔ فرش پر گرا ہوا کھانا اور چکنائی جراثیم پیدا کرتے ہیں، اسے روز صاف رکھنا ضروری ہے۔
یہ سات آسان عادتیں نہ صرف آپ کے کچن کو چمکدار بنائیں گی بلکہ آپ کی صحت اور خوشی کی ضامن بھی ہوں گی۔ بس تھوڑا وقت نکالیں اور صفائی کو معمول کا حصہ بنائیں، تاکہ آپ کا کچن ہمیشہ خوشبو دار، منظم اور جراثیم سے پاک رہے۔
