نئی دہلی میں جمعہ کی شام تیز ہواؤں کے باعث مٹی کے طوفان نے شہر کے مختلف حصوں کو اپنی لپیٹ میں لے لیا۔

اس دوران، ارون جیٹلی اسٹیڈیم میں ممبئی انڈینز کی ٹریننگ سیشن جاری تھی، جہاں طوفان نے اچانک حملہ کیا۔ اس موقع پر، روہت شرما نے اپنی ٹیم اور اسٹاف کو تیزی سے ڈگ آؤٹ میں واپس آنے پر زور دیا۔​

کوربن بوش کو پی ایس ایل چھوڑ کر آئی پی ایل میں جانا مہنگا پڑ گیا

ممبئی انڈینز نے اس واقعے کی ویڈیو سوشل میڈیا پر شیئر کی، جس میں دیکھا جا سکتا ہے کہ ڈیپک چاہر، ہیڈ کوچ مہیلا جے وردھنے اور لسیث ملنگا تیزی سے ڈگ آؤٹ کی طرف دوڑ رہے ہیں، جبکہ روہت شرما انہیں آواز دے رہے ہیں۔ ویڈیو میں روہت شرما ہنستے ہوئے کہتے ہیں، ”واپس آؤ، واپس آؤ!“​

اس کے علاوہ، کیمرہ مین کی طرف اشارہ کرتے ہوئے روہت شرما نے مزاحیہ انداز میں کہا، ”ابے مجھے کیا دیکھ رہا ہے، وہ ویڈیو لے،“ اور مٹی کے طوفان کی طرف اشارہ کیا جو اسٹیڈیم میں تباہی مچا رہا تھا۔​

پی ایس ایل میں اب تک سب سے زیادہ رنز کس بلے باز نے بنائے؟

رپورٹس کے مطابق، اس موسم کی خرابی کے باعث دہلی میں پروازوں کی آمد و رفت بھی متاثر ہوئی، جس کے نتیجے میں 15 پروازیں منسوخ یا موخر ہو گئیں۔ موسمیاتی دفتر نے عوام کو مشورہ دیا ہے کہ درختوں کے نیچے پناہ نہ لیں، کنکریٹ کی فرش پر نہ لیٹیں اور برقی آلات کو ان پلگ کریں۔​

اس واقعے کے بعد، ممبئی انڈینز کی ٹیم اپنی اگلی میچ میں دہلی کیپٹلز کا مقابلہ کرنے کے لیے تیار ہے، جہاں وہ اپنی شکستوں کی سلسلے کو توڑنے کی کوشش کریں گے۔​