یہ میٹھا نہ صرف لذیذ ہے بلکہ کیلشیم، وٹامنز اور منرلز سے بھرپور بھی ہے جو ہڈیوں اور قوتِ مدافعت کے لیے مفید ہیں۔
ربڑی خود بھی ایک مکمل میٹھا ہے لیکن اسے اکثر جلیبی، گلاب جامن، پُوڑی یا مالپورے کے ساتھ بھی پیش کیا جاتا ہے۔
اجزاء:
1 لیٹر فُل کریم دودھ
½ کپ کدوکش کیا ہوا ناریل
½ کپ کھویا
چینی (حسبِ ذائقہ)
10 سے 15 کاجو
10 عدد زعفران کے دھاگے
2 سے 3 الائچی (کچلی ہوئی)
کٹے ہوئے بادام اور پستے (برائے سجاوٹ)
گلاب کی پتیاں (سجاوٹ کے لیے)
بنانے کا طریقہ:
ایک پیالے میں 10 سے 15 کاجو گرم پانی میں بھگو کر 15 منٹ کے لیے رکھ دیں۔
ایک پین میں فُل کریم دودھ ڈالیں اور اسے اُبالنے دیں۔ جب اُبال آ جائے تو آنچ دھیمی کر دیں اور مسلسل ہلاتے رہیں تاکہ دودھ پین سے چپکے نہیں۔
دودھ کو اس وقت تک پکائیں جب تک وہ اپنی مقدار کا ¾ نہ رہ جائے۔
اب دودھ میں زعفران کے دھاگے اور کھویا شامل کریں۔ چمچ سے ہلاتی رہیں ۔
اب بھیگے ہوئے کاجو کو بلینڈر میں پیس کر باریک پیسٹ بنا لیں۔
دودھ میں چینی اور کدوکش ناریل شامل کریں۔ اچھی طرح مکس کریں اور پکنے دیں تاکہ دودھ گاڑھا ہو جائے۔
اب اس میں کاجو کا پیسٹ شامل کریں اور اس وقت تک پکائیں جب تک اس کی کچی خوشبو ختم نہ ہو جائے۔
اب اس میں کچلی ہوئی الائچی ڈال کر اچھی طرح مکس کریں۔ آنچ بند کر دیں اور مکسچر کو ٹھنڈا ہونے دیں۔
ربڑی کو سرو کرنے والے پیالوں میں نکالیں، اوپر سے کٹے ہوئے بادام، پستے اور گلاب کی پتیاں چھڑکیں۔
