کراچی میں منعقد ہونے والی ایک رنگارنگ ریو پارٹی کے دوران بالی وڈ اداکارہ کرینہ کپور خان کے اینیمیٹڈ اوتار پر مبنی ایک ویڈیو نے انٹرنیٹ پر تہلکہ مچا دیا۔
انسٹاگرام پر یہ ویڈیو پارٹی کے منتظم اور ڈی جے ”شاٹ باکس“ نے شیئر کی، جس میں کرینہ کا ڈیجیٹل روپ متحرک انداز میں رقص کرتے ہوئے دکھائی دیتا ہے۔
کراچی کی ’ریو پارٹی‘ میں کرینہ کا رقص، دیکھنے والے حیران رہ گئے
منفرد اور غیر معمولی انداز کی اس پیشکش نے دیکھتے ہی دیکھتے صارفین کی توجہ حاصل کر لی اور سوشل میڈیا پلیٹ فارمز پر تیزی سے وائرل ہو گئی۔
ویڈیو کا آغاز ایک دلچسپ پیغام سے ہوتا ہے
”پی او وی، آپ کراچی، پاکستان میں ایک ریو پارٹی میں ہیں اور کرینہ کپور آپ کے سامنے ڈانس کرنا شروع کر دیتی ہیں۔“
کرینہ کپور نے ’ننَد‘ سوہا علی خان کو ’چھوری 2‘ کے ٹیزر پر مبارکباد دی
اس کے بعد اسکرین پر کرینہ کپور کا ایک اینیمیٹڈ اوتار نمودار ہوتا ہے جو مغربی لباس میں ملبوس، پونی ٹیل باندھے، تیز میوزک کی دھن پر پرجوش انداز میں رقص کرتا ہے۔
جہاں پاکستان میں یہ ویڈیو خاصی مقبولیت حاصل کر چکی ہے، وہیں بھارت میں اداکارہ کے مداحوں نے اس پرملاجلا ردعمل دیا ہے۔
کچھ صارفین نے اسے تفریحی قرار دیا، جبکہ متعدد افراد نے اینیمیشن کے معیار اور اداکارہ کی مشابہت نہ ہونے پر ناپسندیدگی کا اظہار کیا۔
ایک بھارتی صارف نے تبصرہ کیا، ”یہ اینیمیشن بہت بری ہے، اور وہ اتنی عجیب کیوں لگ رہی ہے جیسے آفس جا رہی ہو؟“
دوسرے نے لکھا، ”ٹریک اور اینیمیشن دونوں کو بہتر بنانے کی ضرورت ہے، یہ دونوں بہت ایوریج لگ رہے ہیں۔“
جبکہ ایک تیسرے صارف نے واضح طور پر کہا، ”بالکل نہیں، یہ کرینہ کپور نہیں ہے۔“
کئی صارفین نے ہنسی کے ایموجیز کے ذریعے ویڈیو کو مضحکہ خیز قرار دیا، جس سے اندازہ ہوتا ہے کہ یہ کلپ ایک مزاحیہ زاویے سے بھی دیکھا جا رہا ہے۔
ویڈیو اب تک ہزاروں بار دیکھی جا چکی ہے اور اس پر تبصروں اور شیئرز کا سلسلہ جاری ہے۔ اس غیر معمولی پریزینٹیشن نے جہاں کچھ ناظرین کو حیران کیا، وہیں اس نے ایک نئے انداز کی ڈیجیٹل انٹرٹینمنٹ پر بحث بھی چھیڑ دی ہے۔
