بی جے پی کی رکن پارلیمنٹ اور معروف اداکارہ کنگنا رناوت نے ہماچل پردیش کی کانگریس حکومت کو شدید تنقید کا نشانہ بنایا ہے۔

کنگنا رناوت نے منالی میں اپنے خالی گھر کے لیے ایک لاکھ روپے کا بجلی کا بل موصول ہونے پر غم و غصے کا اظہار کیا۔ ان کا کہنا تھا کہ ریاست کی حالت انتہائی خراب ہو چکی ہے اور حکومت عوامی مسائل کے بجائے غیر ضروری معاملات میں مصروف ہے۔

کیا کاجول کی بیٹی بالی ووڈ میں قدم رکھنے کو تیار ہے ؟اداکارہ نے بتادیا

کنگنا رناوت نے اپنے بیان میں کہا، ”پورے ملک میں وزیر اعظم نریندر مودی کی لہر اور زعفرانی رنگ چھایا ہوا ہے، لیکن ہماچل پردیش کی حالت دیکھنا تکلیف دہ ہے۔ میرے منالی کے گھر کا بجلی کا بل ایک لاکھ روپے آیا ہے، جب کہ میں وہاں رہتی نہیں۔ حکومت کے ادارے سموسوں کی تفتیش کر رہے ہیں۔ ہمیں شرمندگی محسوس ہوتی ہے کہ کیا ہو رہا ہے۔“

کنگنا نے مزید کہا کہ ریاستی حکومت کی ذمہ داری ہے کہ وہ ہماچل پردیش کو ترقی کی راہ پر لے جائے اور ان ”بھیڑیوں“ (بھیڑیوں) کے پنجوں سے آزاد کرے جو ریاست کے وسائل کو لوٹ رہے ہیں۔

کنگنا رناوت نے ہماچل پردیش کی کانگریس حکومت کی جانب سے سموسوں اور کیک کے گم ہونے کی تحقیقات پر بھی اعتراض کیا۔ گذشتہ نومبر میں، وزیر اعلیٰ سکھوندر سنگھ سکھو کی قیادت میں حکومت نے 5 ستاروں والے ہوٹل سے وزیر اعلیٰ کے لیے بھیجے گئے سموسوں اور کیک کے غائب ہونے کی تحقیقات کا حکم دیا تھا۔ اس پر سوشل میڈیا پر حکومت کو شدید تنقید کا سامنا کرنا پڑا تھا، کیونکہ ریاست مالی بحران کا شکار تھی لیکن حکومت غیر ضروری تحقیقات میں مصروف تھی