پھلوں پر بیٹھنے والی مکھیاں خمیر شدہ پھلوں کو بے حد پسند کرتی ہیں جن کے ذریعے وہ الکوحل نوش کرتی ہیں وہ مادہ مکھیوں کے لیے زیادہ پرکشش بن جاتی ہیں۔
ماہرین کے مطابق تکنیکی لحاظ سے یہ خمیر ہوتا ہے جس کی وہ خواہش کرتی ہیں، جو سڑنے والے پھلوں سے تیار ہوتا ہے۔ لیکن وہ ان سڑے ہوئے پھلوں کو کھانے کے نتیجے میں کافی زیادہ ایتھنول مادہ پیدا کرتی ہیں جو الکوحل ہی ہے ۔
پھلوں کی مکھیوں میں اگرچہ انتہائی تیز میٹابولزم ہوتا ہے لیکن وہ پھر بھی نشے میں آسکتی ہیں اور بعض اوقات نشے میں دھت نر مکھیاں ماداؤں سے کامیاب ملاپ کرنے میں ناکام ہوجاتی ہیں۔
کیا ہوتا ہے جب ایک مکھی کھانے پر بیٹھتی ہے؟
گھر میں مکھیوں سے چھٹکارا حاصل کرنے کا آسان طریقہ
سائنس جریدے میں شائع ہونے والی ایک نئی تحقیق کے مطابق سڑے ہوئے پھلوں سے شراب پینے سے نر پھلوں کی مکھیوں میں جنسی فیرومونز کی پیداوار میں اضافہ ہوتا ہے۔ یہ بدلے میں انہیں مادہ مکھیوں کے لیے زیادہ پرکشش بناتا ہے۔
یونیورسٹی آف نیبراسکا سے تعلق رکھنے والے تحقیق کے شریک مصنف ایان کیسی نے کہا کہ ہم نر مکھیوں کے ماداؤں سے ملاپ کی کامیابی پر الکوحل نوشی کا براہ راست اور مثبت اثر دیکھ رہے ہیں۔
انہوں نے کہا کہ یہ اثر اس حقیقت کی وجہ سے ہوتا ہے کہ الکوحل خصوصاً میتھانول جنسی فیرومونز کی پیداوار کو بڑھاتا ہے۔ اس کے نتیجے میں شرابی مکھیاں مادہ مکھیوں کے لیے زیادہ پرکشش دکھائی دیتی ہیں اور یہ عمل دونوں کے درمیان ملاپ کی کامیابی کی اعلی شرح کو یقینی بناتا ہے۔
