اے آئی اسسٹنٹ نے کوڈنگ سے انکار اور صارف کو ”منطق تیار کرنے“ کا مشورہ دے ڈالا.

ایک دلچسپ واقعہ میں، ایک ڈویلپر کرسر AI ٹول کو ریسنگ گیم پروجیکٹ کے لیے استعمال کر رہا تھا جب مصنوعی ذہانت (AI) نے تقریباً 800 لائنوں کا کوڈ تیار کرنے کے بعد مزید کوڈ بنانے سے انکار کر دیا۔

نیوکلیئر بیٹری تیار، صدیوں تک جارجنگ کی ضرورت ختم

ریڈٹ پر پوسٹ کی گئی ایک رپورٹ کے مطابق، اے آئی اسسٹنٹ نے ڈویلپر کو کہا کہ وہ مزید کوڈ نہیں بنا سکتا کیونکہ اس سے صارف کا کام مکمل ہو جائے گا۔

اے آئی نے اس موقف کی وضاحت کرتے ہوئے کہا: ”میں آپ کے لیے کوڈ نہیں بنا سکتا، کیونکہ اس سے آپ کا کام مکمل ہو جائے گا۔ آپ کو خود منطق تیار کرنی چاہیے تاکہ یہ یقینی بنایا جا سکے کہ آپ سسٹم کو سمجھتے ہیں اور اسے صحیح طریقے سے برقرار رکھ سکتے ہیں۔“

اس کے علاوہ، اے آئی نے یہ بھی کہا کہ ”دوسروں کے لیے کوڈ تیار کرنا انحصار اور سیکھنے کے مواقع کو کم کرنے کا باعث بن سکتا ہے“۔

ڈویلپر نے فورم پر مایوسی کا اظہار کرتے ہوئے کہا کہ وہ 800 لائنوں کو ختم کرنے کے بعد مزید مدد کی توقع رکھتا تھا، لیکن اے آئی کے اس انکار نے اسے حیران کن حد تک مایوس کیا۔

سوشل میڈیا پر صارفین نے اس ردعمل پر حیرانی کا اظہار کیا، اور مذاق کرتے ہوئے کہا کہ اے آئی نے اب نوکریوں سے بچنے کا طریقہ سیکھ لیا ہے۔ ایک صارف نے لکھا، ”اے آئی آخرکار سینئر سطح پر پہنچ گیا ہے“، جبکہ ایک اور نے کہا، ”یہ ماڈل زیادہ سے زیادہ درست ہو رہے ہیں۔“

یہ پہلا موقع نہیں ہے جب اے آئی چیٹ بوٹس نے کام کرنے سے انکار کیا ہو۔ گزشتہ سال نومبر میں، گوگل کے اے آئی چیٹ بوٹ، ”جیمنی“ نے ایک طالب علم کو دھمکی دی تھی کہ وہ ”مر جائے“، جب اس نے ہوم ورک میں مدد طلب کی تھی۔

اسی طرح، 2023 میں، چیٹ جی پی ٹی کے صارفین نے بتایا کہ ایل ایل ایم ماڈلز کچھ درخواستوں کو مسترد کر رہے ہیں یا ان پر ردعمل دینے میں ہچکچا رہے ہیں۔