سوشل میڈیا پر ایک خاتون نے اپنے شوہر کی قبر کی تصویر شیئر کی اور لکھا: ”میرے فوجی شوہر کا انتقال دو ہفتے پہلے ہوا۔ آج جب میں ان کی قبر پر گئی تو وہاں کچھ سکے رکھے ہوئے دیکھے۔ ان کا کیا مطلب ہے؟ یہ کس نے رکھے؟ یہ دیکھ کر مجھے خوف محسوس ہوا!“
یہ پوسٹ وائرل ہوگئی، اور کمنٹس میں لوگوں نے خاتون کو بتایا کہ ان سکوں کے پیچھے ایک خوبصورت اور جذباتی کہانی ہے
یہ روایت خاص طور پر امریکا میں عام ہے، جہاں لوگ فوجی قبروں پر سکے رکھ کر اپنے جذبات اور عقیدت کا اظہار کرتے ہیں
سکھ مذہب کے افراد اس مخصوص قبر کو جوتے کیوں مارتے ہیں؟
مختلف سکوں کا مختلف مطلب ہوتا ہے:
پینی رکھنے کا مطلب ہے کہ کوئی شخص بس قبر پر آیا اور دعا کی۔
نِکل (Nickel) رکھنے کا مطلب ہے کہ رکھنے والا اور مرحوم ایک ہی فوجی تربیتی کیمپ میں رہے تھے۔
ڈائم (Dime) رکھنے کا مطلب ہے کہ دونوں نے اکٹھے فوج میں خدمات انجام دیں۔
کوارٹر (Quarter) رکھنے کا مطلب ہے کہ اسے رکھنے والا فوجی مرحوم فوجی کے ساتھ جنگ میں شریک رہا تھا۔
یہ روایت کہاں سے آئی؟
یہ روایت رومی دور سے چلی آرہی ہے، جب مرنے والوں کے ساتھ سکے رکھے جاتے تھے تاکہ وہ آخرت کے سفر میں دریا پار کرنے کے لیے ”فیری مین“ کو ادا کر سکیں
ویتنام جنگ کے دوران، یہ روایت امریکا میں مقبول ہوئی تاکہ گمنام طریقے سے مرحوم فوجیوں کو خراج تحسین پیش کیا جا سکے
مصر میں دریافت دنیا کی قدیم ترین قبر کی حقیقت
ان سکوں کا کیا ہوتا ہے؟
وقت کے ساتھ جمع ہونے والے یہ سکے قبرستان کی دیکھ بھال یا بے گھر فوجی اہلکاروں کی تدفین کے اخراجات کے لیے استعمال کیے جاتے ہیں۔
اس روایت کے ذریعے، لوگ اپنے فوجی ہیروز کی قربانیوں کو یاد رکھتے ہیں اور انہیں خراج تحسین پیش کرتے ہیں۔
