امریکی ریاست فلوریڈا میں شہری اس وقت حیران رہ گیا جب اسے اپنے گھر کے کچن میں ایک مگرمچھ نظر آیا۔

پال کوئن نامی اس شخص نے دراصل تازہ ہوا کی آمد کےلیے اپنے گھر کے کچن کا دروازہ کھلا رکھا تھا، جس کا فائدہ اٹھا کر مگر مچھ آنگن کے راستے کچن میں گھس آیا۔

پال کوئن جو کہ فلوریڈا کے فورٹ مائیرز کے علاقے میں رہائش پذیر ہیں ان کے مطابق وہ گزشتہ اتوار کے دن اپنی ای میل چیک کر رہے تھے کہ اس دوران انھیں آنگن کی اسکرین کے ٹوٹنے کی آواز آئی۔ جس پر جا کر دیکھا تو انھیں مگر مچھ کچن میں نظر آیا جو کہ اسکرین توڑ کر آنگن کے راستے وہاں داخل ہوا تھا۔

مگر مچھ انسان بن کر لوگوں کا شکار کر رہے ہیں؟ حیرت انگیز ویڈیو وائرل

کنوارے مگر مچھ کے ہاں بچے کی پیدائش، تحقیق کی نئی راہیں کھل گئیں

دلیر نوجوان نے 150 کلو وزنی زندہ مگر مچھ کندھوں پر اٹھا لیا

جس کے بعد پال کوئن نے 911 اور فلوریڈا فش اینڈ وائلڈ لائف کنزرویشن کمیشن کے ٹریپر کو کال کرکے بلایا۔ جس پر ان اداروں نے تقریباً 8 فٹ لمبے مگرمچھ کو وہاں سے منتقل کیا۔

مسٹر پال نے اس موقع پر ٹریپر کے مگرمچھ کو پکڑ کر گھر سے لیجانے کے لیے کیچ پول کے استعمال کی ویڈیو بنائی جو کہ سوشل میڈیا پر وائرل ہورہی ہے۔