پاکستان شوبز کی معروف اداکارہ مریم نفیس کے ہاں بیٹے کی پیدائش ہوئی ہے جس کا انہوں نے نام بھی بتا دیا۔

اداکارہ کی جانب سے یہ خوشخبری اپنے سوشل میڈیا اکاؤنٹ انسٹاگرام پر دی گئی، اپنے نومولود کے ہمراہ انہوں نے چند تصاویر بھی اپ لوڈ کی جو وائرل ہوگئیں۔

اداکارہ مریم نفیس نے انسٹاگرام پر اپنے مداحوں کے ساتھ اس خوشخبری کو شیئر کرتے ہوئے لکھا کہ ہماری دنیا اب اور بھی حسین ہوگئی۔

انہوں نے لکھا کہ دنیا والوں ملیے سید عیسیٰ امان احمد سے۔ ایک ہفتے سے بھی کم عمر اس پیارے بچے نے اس بابرکت مہینے میں آ کر ہمیں اپنی محبت میں گرفتار کرلیا۔

مریم نفیس کے شوہر کس مشہوراداکارہ کے سابق داماد نکلے؟

اس دنیا میں اپنے بیٹے کو خوش آمدید کہتے ہیں۔ اللہ آپ کے سارے خوابوں کو پورا کرے۔ آمین۔ مداحوں سے بھی درخواست ہے کہ ہمیں اپنی دعاؤں میں یاد رکھیں۔

مریم نفیس نے اولاد کی خوہش مند خواتین کے لیے دعا کی کہ اللہ آپ کو جلد ہی ایک صحت مند بچہ عطا فرمائے، آمین۔

اداکارہ مریم نفیس نے اپنے نومولود بیٹے کی تصاویر بھی شیئر کیں۔ جن میں ان کے شوہر امان بھی موجود ہیں اور دونوں نے بچے کو تھاما ہوا ہے۔

خیال رہے کہ 30 سالہ مریم نفیس نے ہدایت کار امان احمد سے اکتوبر 2022 کو شادی کی تھی۔