پاکستان کی معروف اداکارہ اریبہ حبیب نے اپنے شوہر سعدین عمران شیخ کے بارے میں چند دلچسپ تفصیلات شیئر کی ہیں۔
حال ہی میں ایک نجی ٹی وی چینل کے شو میں شرکت کے دوران اریبہ حبیب نے اپنے کیریئر کا آغاز، ماڈلنگ کی دنیا میں قدم رکھنے کے بعد اداکاری کی طرف سفر اور اپنی ذاتی زندگی سے متعلق کئی باتیں کھل کر بیان کیں۔
آج کے ڈرامے اپنی بیٹی کے ساتھ بیٹھ کر نہیں دیکھ سکتی، سعدیہ امام
انہوں نے بتایا کہ میں نے ماڈلنگ سے کیریئر کا آغاز کیا تھا اور بعد میں اداکاری میں قدم رکھا۔
اریبہ نے اس بات پر زور دیا کہ پاکستان میں سلم اور اسمارٹ ماڈلز کی بجائے تھوڑی موٹی ماڈلز کو زیادہ پسند کیا جاتا ہے۔ اپنے وزن میں کمی کے بارے میں بات کرتے ہوئے انہوں نے کہا کہ جرمنی کے دورے کے بعد میں کافی موٹی ہوگئی تھی، اور کیمرے پر بھی زیادہ موٹی دکھائی دے رہی تھی، جس کے باعث مجھے اپنا وزن کم کرنا پڑا۔
اریبہ حبیب نے اپنے شوہر سعدین عمران شیخ کے بارے میں کہا کہ ان سے پہلی ملاقات 8 سے 9 سال قبل ہوئی تھی جب ہم ایک ہی دوستوں کے گروپ میں شامل تھے۔
انہوں نے بتایا کہ ہماری دوستی وقت کے ساتھ رشتہ داری میں بدل گئی، اور بس پھر ہم نے یہ فیصلہ کیا کہ کیوں نہ ہم اپنی دوستی کو رشتہ میں تبدیل کریں، اور یوں ہماری شادی ہوگئی۔
