بھارت کے شہر بھوپال میں پولیس نے 21 لاکھ روپے مالیت کی ’تھرر روکس جیپ‘ چوری کرنے والے شخص کو گرفتار کر لیا۔ ملزم جس کی شناخت تلسی رام کے نام سے ہوئی، نے مبینہ طور پر یہ گاڑی ایک سرکاری بینک کے مینیجر کی وفات کے بعد چرا لی اور اسے فروخت کرنے کی کوشش کی، تاہم پولیس نے اسے بروقت گرفتار کر لیا۔
بھارتی پولیس کے مطابق، تلسی رام ایک موموز کی دکان پر کام کرتا تھا اور اسے اسٹیٹ بینک آف انڈیا کے بینک مینیجر سچن گوکھلے کی موت کی اطلاع ملی۔ مبینہ طور پر، ملزم کو معلوم تھا کہ جیپ کی چابیاں بینک کے گیسٹ ہاؤس میں موجود ایک فلیٹ میں رکھی گئی تھیں، جہاں متوفی کا بھائی قیام پذیر تھا۔ پولیس کی ابتدائی تحقیقات کے مطابق، تلسی رام نے اپنے بھائی کی مدد سے فلیٹ کی چابیاں حاصل کیں اور موقع ملتے ہی گاڑی لے کر فرار ہو گیا۔
مودی کا بھارت غیر محفوظ، برطانوی خاتون دو بار زیادتی کا شکار
واقعے کے بعد، متوفی کے اہلِ خانہ نے فوراً پولیس میں شکایت درج کرائی، جس کے بعد پولیس نے تحقیقات کے لیے دو ٹیمیں تشکیل دیں۔ ایک ٹیم نے شہر بھر کے 35 سے 40 سی سی ٹی وی کیمروں کی فوٹیج کا تجزیہ کیا، جب کہ دوسری ٹیم نے مقامی افراد اور ممکنہ گواہوں سے پوچھ گچھ کی۔
تحقیقات کے دوران، پولیس کو ایک اہم سراغ ملا، جس میں تلسی رام کو پلاٹینم پلازہ کے قریب جیپ چلاتے ہوئے دیکھا گیا۔ اس کے بعد پولیس نے ملزم کی نقل و حرکت کا پتہ لگایا، اسے حراست میں لیا اور چوری شدہ گاڑی برآمد کر لی۔ دورانِ تفتیش، تلسی رام نے جرم کا اعتراف کیا اور پولیس کو تفصیلات فراہم کیں۔
پولیس ذرائع کے مطابق، ملزم نے چوری شدہ تھار اپنے دوست شبھم کی سالگرہ کے موقع پر استعمال کی۔ تاہم، اس دوران وہ ایک موٹر سائیکل سوار سے ٹکرا گیا، جس کے نتیجے میں گاڑی کے بمپر کو نقصان پہنچا۔ حادثے کے بعد، ملزم نے گاڑی کو مرمت کے لیے دیا اور اسے فروخت کرنے کی کوشش کی، لیکن اس سے پہلے کہ وہ کوئی معاہدہ طے کر پاتا، پولیس نے اسے گرفتار کر لیا۔
بھارت میں بنا اجازت لینڈ کرنے والے پاکستانی جہاز نے کھلبلی مچادی
پولیس اس بات کی بھی جانچ کر رہی ہے کہ آیا ملزم نے یہ واردات اکیلے انجام دی یا اس کے ساتھ کوئی اور بھی ملوث تھا۔ اس واقعے نے شہر میں سیکیورٹی کے نظام پر سوالات اٹھا دیے ہیں کہ ایک عام ملازم اتنی بڑی چوری کو کس طرح انجام دینے میں کامیاب ہوا۔
