کیرالہ کے علاقے تھلاسیری میں 18 سالہ لڑکی کی المناک موت نے خطرناک خوراک کے رجحانات کی حقیقت کو اجاگر کیا ہے، خاص طور پر سوشل میڈیا پر پروموٹ ہونے والے اسٹرکٹ ڈائیٹنگ طریقوں کے بارے میں۔
لڑکی، جوواٹر ڈائٹ پر عمل کر رہی تھی، نے تقریباً چھ ماہ تک کھانا نہیں کھایا اور آخرکار کشودا نرووسا (Anorexia nervosa) کی پیچیدگیوں کا شکار ہو گئی۔
تکلیف دہ منہ کے السر میں ایسی 6 غذائیں جن سے پرہیز کرنا ضروری ہے
تھلاسیری کوآپریٹو ہسپتال کے آئی سی یو میں داخل ہونے کے بعد، لڑکی کا وزن 24 کلو تک کم ہو چکا تھا، اس کی شوگر کی سطح، سوڈیم اور بلڈ پریشر خطرناک حد تک کم ہو چکے تھے۔ ڈاکٹر ناگیش منوہر پربھو نے بتایا کہ وینٹی لیٹر کی مدد کے باوجود، اس کی حالت بہتر نہیں ہو سکی اور وہ انتقال کر گئی۔
کھانے کی خرابی اور جنون
یہ واقعہ ان خطرات کو ظاہر کرتا ہے جو کھانے کی خرابی (Anorexia nervosa) اور وزن کم کرنے کے جنون کے باعث جنم لیتے ہیں۔ کھانے کی خرابی میں مبتلا افراد خود کو زیادہ وزن کے طور پر دیکھتے ہیں اور وزن کم کرنے کے لئے انتہائی قدم اٹھاتے ہیں، جن میں کھانے سے مکمل پرہیز اور بعض اوقات کریش ڈائیٹ جیسے طریقے شامل ہیں۔
شوگر کے مریضوں میں کندھے کا درد کیوں ہوتا ہے؟
ماہرین صحت نے اس بات پر زور دیا کہ کریش ڈائیٹنگ اور پانی کے روزے جیسی مشقیں فوری نتائج تو دے سکتی ہیں، لیکن ان سے صحت پر سنگین اثرات مرتب ہو سکتے ہیں۔
پانی کے روزے اور کریش ڈائیٹنگ کے خطرات
فورٹس میموریل ریسرچ انسٹی ٹیوٹ کی چیف کلینیکل نیوٹریشنسٹ دیپتی کھٹوجا نے کہا کہ کریش ڈائیٹس کا مقصد تیزی سے وزن کم کرنا ہوتا ہے، لیکن یہ جسم کی توانائی اور قوت مدافعت کو کمزور کر سکتی ہیں، جس کے نتیجے میں ذہنی مسائل جیسے پریشانی اور ڈپریشن پیدا ہو سکتے ہیں۔ انہوں نے مزید کہا کہ یہ طریقے فطری طور پر غیر پائیدار ہوتے ہیں اور طویل مدت میں صحت کو نقصان پہنچا سکتے ہیں۔
ریلا ہسپتال کی سینئر کلینکل ڈائیٹشین ریشما علیم نے واٹر ڈائٹ کی خطرناکی پر روشنی ڈالی۔ انہوں نے کہا کہ یہ ڈائٹ بعض اوقات آٹوفیجی کے اصول پر عمل کرتی ہے، جس میں پرانے خلیے خود کو مرمت کرتے ہیں، لیکن اس طریقے کو طویل عرصے تک اپنانا خطرناک ثابت ہو سکتا ہے۔ اگر یہ طریقہ طبی نگرانی کے بغیر کیا جائے تو یہ پانی کی کمی، الیکٹرولائٹ عدم توازن اور سنگین صحت کے مسائل کا باعث بن سکتا ہے۔
صحت مند وزن کم کرنے کا طریقہ
ریشماعلیم نے وزن کم کرنے کے لیے پائیدار اور صحت مند طریقوں کی حمایت کی، جیسے اعتدال پسند جسمانی سرگرمی اور متوازن غذا۔ انہوں نے کہا کہ وزن کم کرنے کے لیے ہر ہفتے 0.5 کلوگرام کا نقصان اور ماہانہ 2 کلو وزن کم کرنا ایک محفوظ حد ہے۔
