جے پور میں صارفین کے تنازعات کے ازالے کے کمیشن نے بالی وڈ اداکار شاہ رخ خان، اجے دیوگن اور ٹائیگر شروف کو پان مسالہ کے مبینہ طور پر گمراہ کن اشتہار پر نوٹس جاری کیا ہے۔
تفصیلات کے مطابق نجی کمپنی کے چیئرمین ومل کمار اگروال کو بھی نوٹس جاری کرتے ہوئے چاروں افراد کو رواں ماہ کی 19 تاریخ کو طلب کیا ہے، جس میں ومل کمار سمیت تینوں اداکاروں کو یا تو خود یا پھر اپنے نمائدے کے ذریعے حاضری کو ممکن بنانے کی ہدایت کی گئی ہے اور غیر حاضری کی صورت میں کمیشن نے یکطرفہ فیصلے سے بھی خبردار کیا ہے۔
اس کے علاوہ کمیشن نے تمام اداکاروں اور پان مصالحہ مینوفیکچرنگ کمپنی کو نوٹس کی وصولی کے دن سے 30 دن کے اندر اپنے جوابات داخل کرنے کی بھی ہدایت کی ہے۔
شاہ رخ خان ہم جنس پرست ہیں؟ پرانا بیان وائرل
شاہ رخ خان، اجے دیوگن اور ٹائیگر شروف پر مقدمہ، عدالت میں پیش ہونے کا حکم
ٹائیگر شروف کی فلم فلائنگ جٹ کی دھوم
میڈیا رپورٹس میں بتایا گیا ہے کہ جےپور سے تعلق رکھنے والے ایک وکیل کی جانب سے کمیشن کو شکایت کی گئی تھی کہ پان مصالحہ میں زعفران شامل ہونے کا جھوٹا دعویٰ کیا گیا ہے، جس کی وجہ سے روزانہ کی بنیاد پر بڑی تعداد میں لوگ اس مضر صحت پان مصالحے کا استعمال کر رہے ہیں اور کمپنی کروڑوں روپے کما رہی ہے۔
اب تک اداکاروں یا کمپنی کی طرف سے فوری طور پر اس نوٹس پر کوئی ردِ عمل ظاہر نہیں کیا گیا۔
