شہرہ آفاق مذہبی اسکالر ڈاکٹر ذاکر نائیک نے گورنر ہاؤس میں ساتویں افطار ڈنر سے خطاب کرتے ہوئے کہا ہے کہ رمضان المبارک میں زیادہ سے زیادہ عبادات کریں، اس مقدس ماہ میں ایک نیکی پر 70 گنا زیادہ ثواب ملتا ہے۔

اس موقع گورنرسندھ کامران خان ٹیسوری نے کہا کہ خوشی ہے کہ شہرہ آفاق اسکالر ڈاکٹر ذاکر نائیک آئے ہیں، ہماری درخواست پر ڈاکٹر ذاکر نائیک نے مظالم کے خلاف مسلمانوں کے لئے دعا کی۔

ڈاکٹر ذاکر نائیک نے گورنرہاؤس کراچی میں افطار ڈنر میں خصوصی شرکت کی، گورنرسندھ نے طلبہ اور شہریوں کا گورنر ہاﺅس آمد پر خیر مقدم کیا۔

طلبہ اور لوگوں نے گورنرسندھ کے ہمراہ سیلفیاں بھی بنوائیں، کامران ٹیسوری کچھ دیر طلبہ اورلوگوں میں گھل مل گئے اور مسائل معلوم کئے۔

اس موقع پر طلبہ نے کہا کہ گورنرسندھ کے ہمراہ افطار ڈنر کرنا ہمار ے لئے منفرد لمحہ تھا۔ افطار ڈنر میں مختلف جامعات این ای ڈی، حبیب ، یو آئی ٹی، کے آئی ای ٹی اور میٹرو پولیٹن جامعات کے طلبہ بڑی تعداد میں شریک ہوئے۔