بھارتی میڈیا میں تصدیق کی گئی ہے کہ تمنا بھاٹیا اور وجے ورما نے اپنے رومانوی تعلقات کا خاتمہ کر لیا ہے اور یہ فیصلہ دونوں نے باہمی رضامندی سے کیا ہے۔ اگرچہ دونوں اب بھی اچھے دوست ہیں، لیکن ان کے درمیان تعلقات اب ختم ہو چکے ہیں۔

اب نیوز 18 میں شائع ہونے والی رپورٹ میں سیاست ڈیلی کا حوالہ دیتے ہوئے علیحدگی کی اصل وجہ بیان کی ہے۔

رپورٹ میں بتایا گیا ہے کہ تمنا بھاٹیا نے جلد شادی کرکے سیٹل ہونے کی خواہش ظاہر کی تھی، تاہم وجے ورما اس فیصلے کے حق میں نہیں تھے، اس لیے انہوں نے اس فیصلے سے انکار کردیا جس کے باعث ان کے درمیان اختلافات میں شدت آگئی اور یہ بالآخر علیحدگی کا سبب بن گیا۔

بھارتی گلوکارہ کی خودکشی کی کوشش

یاد رہے کہ تمنا اور وجے نے 2022 میں ایک دوسرے کو ڈیٹ کرنا شروع کیا تھا، جوڑی کو سب سے پہلے بھارتی گلوکار دلجیت دوسانجھ کے کانسرٹ میں ایک ساتھ دیکھا گیا تھا دونوں کئی تقریبات میں ایک ساتھ شرکت کرتے تھے۔