دنیا کے امیر ترین شخص ایلون مسک کے 13ویں بچے کی دعویدار خاتون ایشے سینٹ نے عدالت کا دروازہ کھٹکھٹا دیا ہے۔

عالمی خبر رساں ادارے کے مطابق 26 سالہ خاتون نے ایلون مسک کے خلاف اپنے 6 ماہ کے بیٹے کی واحد قانونی سرپرستی کے لیے نیویارک کی عدالت میں مقدمہ دائر کردیا۔

درخواست کے ساتھ ایشلے کیئر نے ایلون مسک کے ساتھ ہونے والی چیٹس کے اسکرین شاٹس بھی ضم کیے گئے ہیں۔

’تمہارے 13ویں بچے کی ماں ہوں‘، ایلون مسک کا انفلوئنسر کے دعوے پر ایک لفظی ردعمل

ایشلے کیئر نے دعوی کیا کہ ایلون مسک نے مختلف تحریری پیغامات میں بچے کے والد ہونے کا اعتراف کیا اور بچے کی پیدائش پر مبارک باد کا ٹیکسٹ میسیج بھی کیا تھا۔

خاتون نے بتایا کہ اس میسج کے جواب میں ایلون مسک کو بچے اور اپنی تصویر اسپتال سے ہی بھیجی تھی، ایشلے نے بتایا کہ جواب میں ایلون مسک نے لکھا تھا کہ ”میں تم دونوں سے ملنے ویک اینڈ پر آؤں گا“۔

ایلون مسک کے بیٹے کی غلیظ حرکت پر ٹرمپ نے صدارتی ڈیسک ہی ہٹوا دی

درخواست میں کہا گیا ہے کہ نیو یارک ان کے بچے کی آبائی ریاست ہے اور ایلون مسک ان کے بچے کے والد ہیں۔

بچے کی پیدائش ستمبر میں ہوئی تھی، ایلون مسک بچے کی پیدائش کے وقت موجود نہیں تھے اور اب تک اپنے بچے کو دیکھنے صرف تین بار آئے تھے۔

ایلون مسک نے جعلی تصاویر اور ویڈیوز کے دروازے کھول دئے، اسمارٹ ترین چیٹ باٹ ”گروک تھری“ لانچ

ایشلے کیئر نے مؤقف اختیار کیا کہ اب تک بچے کی پرورش میں ایلون مسک کا کوئی کردار نہیں ہے۔ اس لیے ’پیٹرنٹی‘ اور ’گارجیئن شپ‘ مجھے دی جائے۔

خاتون نے مزید بتایا کہ ایلون مسک سے دو سال قبل رومانی تعلق شروع ہوا تھا جس کے نتیجے میں بچے کی پیدائش ہوئی۔

واضح رہے کہ کالم نگار اور سوشل میڈیا انفلوئنسر ایشلے سینٹ کلئیر نے یہ دعویٰ اپنے سوشل میڈیا اکاؤنٹ ایکس پر کرتے ہوئے کہا تھا کہ “پانچ مہینے قبل میں نے ایک بچے کو جنم دیا جن کے والد ایلون مسک ہیں۔ انہوں نے اسے لاطینی جملے ”Alea lacta est (ڈائی کاسٹ)“ کے ساتھ عنوان دیا، جس کا مطلب اب پیچھے ہٹنے کی کوئی ضرورت نہیں ہے۔