2016 کی مشہور بالی ووڈ فلم ”صنم تیری قسم“ کی دوبارہ ریلیز کے بعد ایک بار پھر اس کی مقبولیت میں اضافہ ہو گیا ہے، جس کے نتیجے میں فلم کے میکرز نے اس کا سیکوئل بنانے کا اعلان کردیا ہے۔
فلم کے مرکزی اداکار ہارش وردھن رانے اور ماورا حسین کی جوڑی نے شائقین کے دلوں میں ایک خاص جگہ بنا لی ہے، اور اب مداح بے صبری سے ”صنم تیری قسم 2“ کے بارے میں مزید معلومات کا انتظار کر رہے ہیں۔
بالی ووڈ شاہ رخ خان کو ناکام کیوں دیکھنا چاہتا تھا؟ بھارتی ڈائریکٹر کا انکشاف
فلم کے ہدایتکار رادھیکا راؤ اور ونے سپرو نے حالیہ انٹرویو میں انکشاف کیا کہ سیکوئل کی کہانی کو پہلے حصے کی تحریر کے دوران ہی دو حصوں میں تقسیم کیا گیا تھا۔
انہوں نے بتایا کہ دوسرے حصے کی کہانی مکمل ہو چکی ہے اور فلم کو 14 فروری 2026 کو ویلنٹائن ڈے کے موقع پر ریلیز کرنے کا منصوبہ بنایا گیا ہے۔
فلم کے پہلے حصے کے آخری منظر، جہاں اندر درخت کے قریب پہنچتا ہے اور سارو (ماورا حسین) کی آواز گونجتی ہے، کے حوالے سے ہدایتکاروں نے بتایا کہ یہ منظر سیکوئل کے لیے پس منظر فراہم کرنے کے لیے خاص طور پر رکھا گیا تھا۔
سلمان خان مہینے میں کتنی بار پوری نیند لے پاتے ہیں؟
ہدایتکاروں نے مزید کہا کہ ”صنم تیری قسم 2“ کے بیشتر گانے پہلے ہی تیار ہو چکے ہیں اور مداحوں کے شاندار ردعمل کو دیکھتے ہوئے وہ اس فلم کو جلد ہی باضابطہ طور پر لانچ کرنے کا ارادہ رکھتے ہیں۔
