چولہے کو صاف رکھنے کا صحیح طریقہ آپ کی کچن کی حفاظت اور صفائی کے لیے ضروری ہے، خاص طور پر اگر آپ گیس چولہے کا استعمال کر رہی ہیں۔ اس عمل سے نہ صرف آپ کے چولہے کی کارکردگی بہتر رہتی ہے، بلکہ یہ آپ کو کسی ممکنہ خطرے سے بھی بچاتا ہے، جیسا کہ گیس لیک یا دھماکے کا خطرہ۔

کیا آپ یہ جاننا چاہتی ہیں کہ چولہے کی صفائی کیوں ضروری ہے، دراصل جب چولہے پر گندگی جمع ہو جاتی ہے، تو یہ گیس کے اخراج کے راستوں کو بند کر سکتی ہے۔ اس سے گیس کا بہاؤ متاثر ہوتا ہے اور ممکنہ طور پر دھماکے کی صورت میں خطرہ پیدا ہو سکتا ہے۔

چولہے کے ضدی داغ صاف کرنے کے 4 بہترین طریقے

اس طرح کے مسائل سے بچنے کے لیے یہ یقینی بنانا بہتر ہے کہ گیس سے چلنے والے تمام آلات بہتر طریقے سے کام کررہے ہوں اس لیے اپنے چولہے کی صفائی کے لیے مہینے میں ایک بار درج زیل اقدامات ضرور کریں تاکہ آپ اپنے چولہے کو محفوظ رکھ سکیں۔

چولہے کی صفائی کے لئے ضروری سامان

پہلا مرحلہ

گیس چولہے کو صاف کرنے سے پہلے، گیس والو بند کرنا ضروری ہے تاکہ کسی بھی حادثے سے بچا جا سکے۔ چولہے کے ڈھکن کے اوپر جو ٹوپیاں ہوتی ہیں، ان کو صاف کرنا بھی ضروری ہے کیونکہ یہ شعلوں کو پھیلانے میں مدد دیتی ہیں۔ ڈفیوزر یا اسپریڈرز کو صاف کرنے کے لیے، انہیں عمودی طور پر اٹھا کر نکالیں۔

ایک پھل جو شوگر کے مریضوں کو موت کے منہ میں پہنچا سکتا ہے

دوسرا مرحلہ

اگر آپ کے برنرز پر کھانے کی باقیات جمع ہو گئی ہوں، تو برنرز کو چند منٹ کے لئے آن کریں تاکہ گندگی جل جائے۔ پھر، گرم صابن والے پانی میں اسپریڈرز کو دھوئیں اور بیکنگ سوڈا اور پانی کا مرکب استعمال کریں تاکہ باقیات اور داغ صاف ہوں۔

تیسرا مرحلہ

چولہے کی سطح کو صاف کرنے کے لیے، نم کپڑے اور اسفنج کا استعمال کریں۔ اگر کچھ داغ ضدی ہوں، تو بیکنگ سوڈا کا مرکب لگائیں اور 15 منٹ کے لئے چھوڑ دیں تاکہ گندگی نرم ہو جائے۔

چولہے کی صفائی کا ایک محفوظ طریقہ

چولہے کی صفائی کے دوران ہمیشہ محتاط رہیں کہ برنرز کی سطح خشک ہو اور لائٹر گیلے نہ ہوں۔ تمام اجزاء کو دوبارہ برنر پر لگانے سے پہلے ان کو اچھی طرح خشک کریں۔

چولہے کی صفائی کبھی بھی ایک مشکل کام نہیں ہونی چاہیے، چاہے وہ گیس چولہا ہو یا الیکٹرک۔ اس سادہ اور محفوظ طریقے سے آپ نہ صرف چولہے کی صفائی کو آسان بنا سکتی ہیں بلکہ آپ کی حفاظت بھی یقینی ہوسکتی ہے۔