پاکستان کے معروف اداکار، گلوکار اور میزبان فخر عالم نے اپنے ساتھی میزبان، سوئنگ کے سلطان وسیم اکرم کو اپنی ایک نئی ذمہ داری سونپ دی ہے جو کرکٹ سے ہٹ کر ان کی حجامت کی ہے۔

فخر عالم، سابق کرکٹر وسیم اکرم اور وقار یونس کے ساتھ نجی ٹی وی چینل پر شائقین کے انتہائی مقبول اسپورٹس شو ’دی پویلین‘ کی میزبانی کرتے ہیں، نے سوشل میڈیا پر ایک نئی پوسٹ شیئر کی ہے جس سے یہ اشارہ ملتا ہے کہ وہ اپنے شو کے دوبارہ آغاز کی تیاری کر رہے ہیں۔

’میڈیا اسٹار نہیں بناتا‘، حمائمہ ملک بھائی کی حمایت میں اٹھ کھڑی ہوئیں

اس پوسٹ میں فخر عالم چہرے پر شیونگ کریم لگائے ہوئے اور کاندھے پر تولیہ ڈالے، وسیم اکرم اور وقار یونس کے ساتھ بالکونی میں کھڑے نظر آ رہے ہیں۔

اپنے روائتی مزاحیہ انداز میں کیپشن دیتے ہوئے فخر عالم نے لکھا، ”بوائز! میرے شیو کرنے کا وقت قریب آ گیا ہے! وسیم اکرم! تھوری مدد کریں پلیز، وقار یونس! بلیڈ کہاں ہے؟ آؤ مل کر تیار ہو جائیں، تیرا نائی میرا نائی، وسیم بھائی وسیم بھائی“۔

فخر عالم کی اس پوسٹ میں نہ صرف ان کی مزاحیہ طبیعت کی جھلک دکھائی دی بلکہ مداحوں نے بھی کمنٹس میں اندازہ لگایا کہ فخر عالم اپنے مشہور شو ’دی پویلین‘ کے ساتھ ٹی وی اسکرین پر واپس آ سکتے ہیں۔

کراچی ماڈل کالونی میں حادثہ کا شکار طیارے میں مجھے بھی سوار ہونا تھا، نازش جہانگیر کا انکشاف

یاد رہے کہ فخر عالم کا ’دی پویلین‘ شو شائقین میں بےحد پسند کیا جاتا ہے، اور ان کا یہ مزاحیہ انداز ہمیشہ مداحوں کو محظوظ کرتا ہے۔