جب دو لوگ گفتگو کر رہے ہوتے ہیں، تو اکثر یہ نہیں پتہ چلتا کہ کب بات جھگڑے میں بدل جاتی ہے۔
یہ صورت حال پیشہ ورانہ یا ذاتی دونوں جگہوں پر ہو سکتی ہے۔ ایسی گفتگو کو ”گرما گرم گفتگو“ کہا جاتا ہے، جو عموماً ان لوگوں کے ساتھ سامنے آ تی ہے جو غصے میں ہوتے ہیں اور اپنے غصے کو قابو نہیں کر پاتے۔ جیسے ہی کسی کی بات ان کے خیالات سے مختلف ہوتی ہے، وہ فوراً غصے میں آ جاتے ہیں اور بات کو بحث میں بدل دیتے ہیں۔
انسانی دماغ سوچنے میں مصنوعی ذہات سے بھی سست نکلا، تحقیق میں حیران کن انکشاف
اگر آپ کا شمار بھی ایسے ہی افراد میں ہوتا ہے تو یہ ضروری ہے کہ آپ سیکھیں کہ غصہ کیسے قابو میں رکھا جائے اور باتوں کو ٹھنڈے دماغ سے حل کرنے کا طریقہ جانیں۔
اگر بحث یا گرما گرم گفتگو کے دوران خود کو پرسکون رکھنا ہو تو کچھ خاص باتوں کا خیال رکھنا ضروری ہے۔ ماہرین نفسیات، اس سلسلے میں چند مفید ٹپس بیان کرتے ہیں۔
گہری سانس لینے کی مشق
ڈاکٹرز کے مطابق، جب بھی غصہ آئے یا بات بڑھنے لگے، تو پہلے گہری سانسیں لیں اور خود کو پرسکون کرنے کی کوشش کریں۔ اس کے علاوہ، غصے کو قابو کرنے کے لیے اپنے جذبات پر قابو پانا اور سوچ سمجھ کر بات کرنا ضروری ہے۔ اس طرح کی ٹپس سے آپ بحث کے دوران بھی اپنا ذہنی سکون برقرار رکھ سکتے ہیں۔
کیا دودھ کو فریج میں رکھنا درست ہے؟ کہیں یہ آپ کی صحت اور جیب پر غلط اثر تو نہیں ڈال رہا
اگر آپ بحث یا تناؤ کی حالت میں ہوں تو اپنی سانسوں پر دھیان دینا بہت مددگار ثابت ہو سکتا ہے۔ جب آپ غصے یا اضطراب کا شکار ہوں، تو آپ کی سانس تیز اور بے قابو ہو جاتی ہے۔ ایسی حالت میں، گہری اور آہستہ آہستہ سانسیں لینا آپ کے جسم اور دماغ کو سکون دینے میں مدد کرتا ہے۔ آپ کو صرف اپنی سانسوں پر توجہ مرکوز کرنی ہے، اس سے آپ کے ذہن کو سکون ملے گا اور آپ جلدی سے پرسکون ہو جائیں گے۔
اپنے کندھوں کو نیچے رکھیں اور پرسکون رہیں
اگر آپ تناؤ میں ہیں تو آپ کے جسم کی حالت بھی خراب ہو سکتی ہے۔ اس سے بچنے کے لیے، سیدھے بیٹھنے کی کوشش کریں، گہری سانسیں لیں اور اپنے کندھوں کو نیچے کر کے آرام دیں۔ اس کے بعد کچھ گہری سانسیں لیں۔ اس طرح آپ دباؤ میں بھی آرام دہ اور پراعتماد نظر آئیں گے۔
پانی پئیں
جب آپ غصے میں ہوں یا بحث کر رہے ہوں، تو ایک گلاس پانی پینا بہت مددگار ثابت ہو سکتا ہے۔ پانی پینے سے نہ صرف آپ کی آواز بہتر ہو گی بلکہ یہ آپ کو چند لمحوں کے لیے آرام دینے میں بھی مدد دے گا۔
جب آپ پانی پیتے ہیں تو آپ کا ذہن تھوڑی دیر کے لیے بحث سے ہٹ جاتا ہے، اور اس سے آپ کو بہتر فیصلہ کرنے کا موقع ملتا ہے۔ چائے یا کافی سے گریز کریں کیونکہ یہ آپ کو مزید پریشان کر سکتے ہیں۔ اس چھوٹے سے وقفے سے آپ کو خود کو دوبارہ پرسکون محسوس کرنے میں مدد ملے گی
تازہ ہوا میں سانس لیں
اگر آپ بحث کے دوران بہت زیادہ غصے میں آ جاتے ہیں یا گفتگو کی سمت کو سمجھنے میں مشکل پیش آ رہی ہے، تو کچھ وقت کے لیے باہر جا کر تازہ ہوا لینا فائدہ مند ہو سکتا ہے۔ کمرے کی تنگ فضاء اور حرارت آپ کے غصے کو بڑھا سکتی ہے، اس لیے بہتر ہے کہ تھوڑی دیر کے لیے ماحول سے باہر نکل کر کھلی فضا میں سانس لیں۔
یہ چھوٹا سا وقفہ آپ کو پرسکون کرنے اور آپ کی ذہنیت کو بہتر بنانے میں مدد دے گا۔ اسی طرح، جب آپ ذہنی طور پر زیادہ دباؤ میں ہوں، موسیقی سننا بھی ایک بہترین طریقہ ہے جس سے آپ کو سکون مل سکتا ہے اور آپ دوبارہ گفتگو میں نارمل طریقے سے شامل ہو سکتے ہیں۔
