پاکستانی اداکار فیروز خان کی پریس کانفرنس میں تاخیر سے پہنچنے کے بعد خاتون صحافی کے ساتھ تلخ کلامی کی ویڈیو کے وائرل ہونے پر ان کی بہن اور معروف اداکارہ حمائمہ ملک نے بھائی کی حمایت میں آواز اٹھائی ہے۔

حمائمہ ملک نے اپنی انسٹاگرام اسٹوری پر ایک ویڈیو شیئر کرتے ہوئے کہا کہ وہ عام طور پر اس قسم کی بات نہیں کرتیں، لیکن آج وہ یہ واضح کرنا چاہتی ہیں کہ چاہے وہ اداکار ہوں، سلیبرٹی، یوٹیوبر یا ٹک ٹاکر، میڈیا انہیں اسٹار نہیں بناتا۔

خاتون صحافی کی فیروز خان کے ساتھ تلخ کلامی، ویڈیو وائرل

انہوں نے مزید کہا کہ میڈیا صرف وہ پلیٹ فارم ہے جس کے ذریعے فنکار لوگوں تک پہنچتے ہیں، مگر اصل شہرت اور مقبولیت ان کےمداحوں کی بدولت حاصل ہوتی ہے۔

حمائمہ نے اپنی انسٹاگرام اسٹوری پر ایک پول بھی شیئر کیا جس میں انہوں نے سوال اٹھایا کہ ”کیا فینز ہی اسٹارز بناتے ہیں؟“

ہانیہ عامر نے بالی ووڈ آفرز قبول کرنے پر حامی بھر لی

اس پول کے نتائج کے مطابق 91 فیصد لوگوں نے ان کے نقطہ نظر سے اتفاق کیا اور کہا کہ اسٹارز کی شہرت میڈیا کے بجائے ان کے مداحوں کی وجہ سے ہوتی ہے۔