بھارتی گلوکار سونو نگم کولکتہ میں اپنے کنسرٹ کے دوران مداحوں کے رویے پربرہم ہو گئے اور شور مچانے والوں کو شو چھوڑ کر جانے کا کہہ ڈالا۔
بھارتی میڈیا کی رپورٹس کے مطابق، سونو نگم کی پرفارمنس کے دوران غیر متوقع صورتحال پیش آئی جس کے سبب انہیں سامعین کو خود کنٹرول کرنا پڑا۔
نازیبا گفتگو کے سبب مقدمات کا سامنا کرنیوالے بھارتی اسٹارز
کچھ افراد کے کھڑے ہونے پر گلوکار نے انہیں نشستوں پر واپس بیٹھنے کی تاکید کی اور کہا، ”اگر کھڑے ہونے کا اتنا شوق ہے تو الیکشن میں کھڑے ہو جاؤ، براہ کرم بیٹھ جاؤ، وقت ضائع ہو رہا ہے، یا تو بیٹھ جاؤ یا پھر جگہ خالی کر دو۔“
اس واقعے کی ویڈیو سوشل میڈیا پر وائرل ہو گئی اور اس پر صارفین کا ردعمل ملا جلا رہا۔ کچھ لوگوں نے سونو نگم کے رویے کی حمایت کی، جبکہ کچھ نے کنسرٹ انتظامیہ پر تنقید کی۔
ایک سوشل میڈیا صارف نے کہا، ”انتظامیہ کی نااہلی کی وجہ سے سونو نگم کو خود معاملات سنبھالنے پڑے۔“ جبکہ ایک اور صارف نے کہا کہ وہ اس واقعے کے عینی شاہد تھے اور سونو نگم غصے میں نہیں بلکہ سامعین سے نظم و ضبط کی درخواست کر رہے تھے، تاہم کولکتہ پولیس اس صورتحال میں بے حس تماشائی بنی رہی۔
سنجے دت کیلئے کروڑوں کی جائیداد چھوڑ کر مرنے والی پرستار کون؟
اس واقعے نے کولکتہ کے کنسرٹ میں ایک نیا تنازعہ پیدا کیا، جس پر سوشل میڈیا پر مختلف آراء دیکھنے کو مل رہی ہیں۔
