واشنگ مشین، جو گھریلو سہولتوں کا ایک اہم آئٹم ہے، ہمارے روزمرہ کے کاموں کو بہت آسان اور سہل بناتی ہے۔ تاہم، اگر اس کا درست طریقے سے استعمال نہ کیا جائے یا صفائی کا خیال نہ رکھا جائے تو یہ صحت کے لیے خطرہ بن سکتی ہے۔
واشنگ مشین کپڑے دھونے کا سب سے آسان طریقہ ہے۔ اس میں کم وقت میں کپڑے دھوکر خشک ہو جاتے ہیں۔ لیکن بعض اوقات خواتین کپڑے دھوتے ہوئے لاپرواہ ہو جاتی ہیں جس کی وجہ سے صحت کو نقصان پہنچنے کا خطرہ ہو تا ہے۔
ماہرین کا کہنا ہے کہ واشنگ مشین میں بیکٹیریا، فنگس اور دیگر مضر صحت اجزاء جمع ہو سکتے ہیں جو آپ کی صحت پر منفی اثرات ڈال سکتے ہیں۔
انڈوں کو ابالنے کا درست سائنسی طریقہ کیا ہے؟
گیلے کپڑے مشین کے اندر چھوڑ دینا
بعض خواتین کپڑے دھونے اور خشک کرنے کے بعد انہیں رات بھر مشین میں چھوڑ دیتی ہیں۔ ایسا کرنا صحت کے لیے نقصان دہ ثابت ہوسکتا ہے۔ درحقیقت کپڑوں سے پانی نکلنے کے بعد بھی ان کے اندر نمی رہتی ہے۔ جس میں بیکٹریا بڑھنے لگتے ہیں اور جب گیلے کپڑوں کو مشین کے اندر چھوڑ دیا جائےتو بیکٹریا کے تیزی سے پھیلنے کا اندیشہ ہوتا ہے۔ اس لیے ضروری ہے کہ کپڑوں کو دھونے کے بعد فورا مشین سے نکال کر سکھا دیا جائے۔
واشنگ مشین کا ڈھکن بند کردینا
واشننگ مشین میں کپڑے دھونے کے بعد ڈھکن فورا بند ہوجاتا ہے۔ ایسا کرنے سے گیلی سطح پربیکٹریا اور فنگس پل بڑھ سکتے ہیں۔ خاص طور پر فرنٹ لوڈ مشین کے ڈھکن کا ڈیزائن اس طرح تیار کیا گیا ہے کہ پانی اور ہوا کا اخراج باہر نہ ہوسکے۔ اگر ایسی مشین کو فورا بند کر دیا جائے تو یہ بیکٹریا کی افزائش کا سبب بن سکتا ہے جو کپڑوں کے ذریعے آپ کے جسم تک پہنچ جاتے ہیں۔
ایک عام انسانی آنکھ کتنے میگا پکسلز کی ہوتی ہے؟ جان کر آپ حیران رہ جائیں گے
آپ کو چاہیے کہ کپڑے دھونے کے بعد واشنگ مشین کا ڈھکن کچھ دیر کے لیے کھلا چھوڑ دیں۔ تاکہ اندر کی نمی خارج ہو سکے۔ اس سے فنگس اور بیکٹیریا کی افزائش کو روکا جا سکتا ہے۔
موزے دھونا
موزوں کو غلطی سے بھی واشنگ مشین میں نہیں دھونے چاہیے کیونکہ اس کے ذریعے جراثیم مشین میں موجود دوسرے کپڑوں تک بھی پہنچ جاتے ہیں اور وہ پوری طرح صاف نہیں ہوتے ہیں۔اس لیے انہیں ہمیشہ الگ دھونا چاہیے۔
بیڈ شیٹس کو گرم پانی میں نہیں دھونا
بیڈ شیٹس پرسینکڑوں جراثیم ہوتے ہیں جنہیں دور کرنے کے لیے انہیں دھویا جاتا ہے۔ لیکن جب انہیں صاف کے لیے واشنگ مشین میں ڈالا جاتا ہے تو وہ پوری طرح دور نہیں ہوتے ہیں۔ بلکہ بیڈ شیڑ پر پیلے دھبے بھی چھوڑ جاتے ہیں۔
اس کا ایک حل یہ ہے کہ واشنگ مشین میں بیڈ شیٹس کو ہمیشہ گرم پانی سے دھویا جائے تو جراثیم اور بیکٹریا دور ہوجاتے ہیں۔
واشنگ مشین میں ہونے والی گندگی کے اثرات
واشنگ مشین کے ڈرم میں گندگی، ریشہ اور کپڑوں کے دھونے کے دوران نکلنے والے مواد کا جمع ہونا ایک عام مسئلہ ہے۔ اس کے نتیجے میں مشین میں نم اور گرم ماحول پیدا ہوتا ہے، جو بیکٹیریا اور فنگس کی افزائش کے لیے مثالی جگہ بنتی ہے۔ ان جراثیموں کی موجودگی آپ کی صحت کے لیے خطرناک ثابت ہو سکتی ہے، خصوصاً جب آپ کو حساس جلد یا سانس کے مسائل ہوں۔
واشنگ مشین کی صفائی کے لیے ماہ میں ایک بار گرم پانی میں سفید سرکہ یا بیکنگ سوڈا ڈال کر مشین کا سائیکل چلائیں۔ یہ مشین کے اندر موجود مضر اجزاء اور بدبو کو ختم کرنے میں مدد فراہم کرتا ہے۔
واشنگ مشین کے فلٹر کو ہر ماہ صاف کریں تاکہ پانی کے نکاس میں رکاوٹ نہ ہو اور مشین کا کام بہتر ہو سکے۔ فلٹر میں کپڑوں کے ریشے، بال اور دیگر گندگی جمع ہو سکتی ہے، جو بیکٹیریا کی افزائش کا سبب بنتی ہے۔
واشنگ مشین کے استعمال سے ہونے والے نقصانات سے بچنے کے لیے نہ صرف صفائی ضروری ہے بلکہ اپنی صحت کے لیے آپ کو صحیح پرسنل کیئر پروڈکٹس کا استعمال بھی کرنا چاہیے۔
کپڑوں میں صابن یا دیگر مواد کی باقیات بھی جلدی مسائل کا سبب بن سکتی ہیں، لہذا ان چیزوں کا صحیح طریقے سے دھونا ضروری ہے۔
