اپنے دن کا آغاز ادرک اور ہلدی کے مشروب سے قدرتی طاقت کے ساتھ کریں۔ یہ روایتی سپر فوڈز سوزش، اینٹی آکسیڈنٹ اور ہاضمہ کے فوائد سے پر ہوتے ہیں، جو آپ کی صحت میں حقیقی فرق لا سکتے ہیں۔

ادرک اور ہلدی مشروب کے فوائد

سوزش کم کرنا

ہلدی میں کرکومین اور ادرک میں جنجرول سوزش کم کرنے میں مدد کرتے ہیں، جو گٹھیا اور پٹھوں کے درد میں مبتلا افراد کے لیے فائدہ مند ہو سکتے ہیں۔

کہیں آپ پپیتا غلط تو نہیں کھا رہے، اسے بیجوں کے ساتھ کھانا چاہیے یا بنا بیج کے؟

قوت مدافعت میں اضافہ

ان دونوں میں اینٹی وائرل، اینٹی بیکٹیریل اور اینٹی فنگل خصوصیات ہوتی ہیں جو مدافعتی نظام کو مضبوط بناتی ہیں۔

دل کی صحت کو سپورٹ کرنا

ہلدی بلڈ پریشر کو کم کرنے اور کولیسٹرول کی سطح کو بہتر بنانے میں مدد دیتی ہے، جبکہ ادرک خون کے جمنے کو روک کر دل کی بیماری کے خطرے کو کم کرتا ہے۔

موچ کے درد کا آیورویدک پیسٹ سے علاج

جگر کی صفائی

ادرک اور ہلدی جگر کے ڈی ٹاکسیفائنگ انزائمز کو متحرک کرتے ہیں، جو جگر کی صحت کو بہتر بناتے ہیں۔

خون میں شوگر کی سطح کو منظم کرنا

دونوں اجزاء انسولین کی حساسیت بڑھا کر خون میں شوگر کی سطح کو بہتر بنانے میں مدد کرتے ہیں، جو ذیابیطس کے شکار افراد کے لیے فائدہ مند ہیں۔

ادرک اور ہلدی مشروب کی ترکیب

ضروری اجزاء

• 1 انچ تازہ ادرک کی جڑ

• 1 انچ تازہ ہلدی کی جڑ

• 1 چمچ تازہ لیموں کا رس

• 1-2 چمچ شہد

• ایک چٹکی کالی مرچ

• 1/2 کپ پانی

ترکیب

ادرک اور ہلدی کو چھیل کر چھوٹے ٹکڑوں میں کاٹ لیں۔

لیموں کا رس نچوڑ کر باقی اجزاء کے ساتھ بلینڈر میں ڈالیں۔

30 سیکنڈ تک بلینڈ کریں تاکہ مکسچر ہموار ہو جائے۔ مکسچر کو چھان کر ایک باریک چھلنی سے گزاریں۔

ذائقے کے لیے شہد کا شربت ڈالیں اور کالی مرچ کو بھی شامل کریں۔

اسے ایک گلاس میں ڈال کر فوراً پی لیں۔

اگرزیادہ مقدار میں بنائیں تو اسے ایئر ٹائٹ کنٹینر میں فریج میں تین دن تک رکھا جاسکتا ہے۔

ادرک اور ہلدی کے مشروب کو اپنے روزمرہ کے معمولات میں شامل کرنا آپ کی صحت کو بہتر بنانے کا ایک آسان اور قدرتی طریقہ ہے۔ اس مشروب کے فوائد کے ساتھ آپ دن بھر زیادہ توانائی محسوس کریں گے۔