بالی وڈ کی سابق اداکارہ ممتا کلکرنی نے 10 کروڑ روپے کے بدلے مذہبی رہنما کا عہدہ ”ماہا منڈلیشور“ حاصل کرنے کی افواہوں کو مسترد کر دیا ہے۔

حالیہ بھارتی ٹی وی شو میں شرکت کے دوران ممتا کلکرنی ایک سوال کے جواب میں کہا کہ ان کے پاس 1 کروڑ روپے بھی نہیں، تو وہ 10 کروڑ روپے کہاں سے ادا کریں گی؟

انہوں نے وضاحت کی کہ جب انہیں ماہا منڈلیشور بنایا گیا تو انہوں نے 2 لاکھ روپے کسی سے ادھار لے کر اپنے گرو کو دیے تھے۔

ممتا کلکرنی نے بتایا کہ حکومت نے میرے بینک اکاؤنٹس ضبط کرلیے ہیں، آپ کو معلوم نہیں ہے کہ میں کس طرح رہ رہی ہوں۔

انہوں نے بتایا کہ ایک ڈانس سین کے دوران شاہ رخ خان اور سلمان خان کو ان کے ساتھ ڈانس کرنا تھا، لیکن ڈانس ڈائریکٹر نے کہا کہ اس مخصوص شوٹ میں وہ اکیلی ہوں گی۔

ممتا کلکرنی کہا کہ اگلے دن جب میں نے اپنے ڈانس اسٹیپس ریکارڈ کروائے، تو بعد میں پتہ چلا کہ دونوں خانز پیچھے جھاڑیوں میں چھپ کر ان پر ہنس رہے تھے۔

انہوں نے مزید بتایا کہ ان کے شاٹس مکمل ہونے کے بعد اگلا سین شاہ رخ خان اور سلمان خان کا تھا، جس میں انہیں گھٹنوں کے بل ڈانس کرنا تھا۔ اس وقت تقریباً 5 ہزار افراد شوٹنگ دیکھنے کے لیے موجود تھے۔

اداکارہ نے بتایا کہ اس سین کے دوران ایک کے بعد ایک ری ٹیک ہوتا رہا، یہاں تک کہ 25 ری ٹیک ہو گئے۔ آخر میں فلم کے پروڈیوسر راکیش روشن نے تنگ آ کر شوٹنگ منسوخ کر دی۔

ممتا کلکرنی نے یہ بھی کہا کہ دونوں میں سے سلمان خان زیادہ شرارتی ہیں۔