راکھی ساونت اپنی نئی پاکستانی دوست اداکارہ ہانیہ عامر کو سلمان خان سے ملنے میں مدد کرنے کے لیے میدان میں آگئیں۔
راکھی ساونت، جن کی حال ہی میں پاکستانی اداکار دودی خان کے ساتھ تعلقات کی خبریں گردش کر رہی ہیں، اب اپنی نئی پاکستانی دوست ہانیہ عامر کے لیے سلمان خان سے ملاقات کرنے میں مدد فراہم کرنے کے لیے تیار ہیں۔
مفتی قوی نے بھی راکھی ساونت سے شادی کی خواہش ظاہر کردی
راکھی نے اپنے حالیہ انٹرویوز میں بتایا کہ ہانیہ عامر ان کی شادی میں شرکت کریں گی اور وہ پاکستان میں اپنے آنے پر ایئرپورٹ پر انہیں ویلکم بھی کریں گی۔
راکھی نے یہ بھی کہا کہ وہ سلمان خان سے درخواست کریں گی کہ وہ ہانیہ عامر کے ساتھ کام کریں، کیونکہ انہیں یقین ہے کہ وہ بہت خوبصورت اور ٹیلنٹڈ ہیں۔
راکھی کا کہنا تھا کہ وہ چاہتی ہیں کہ سلمان خان اب ان نئی اور باصلاحیت اداکاراؤں کے ساتھ کام کریں، نہ کہ ان معمولی ہیروئنوں کے ساتھ جنہیں وہ حالیہ عرصے میں اپنی فلموں میں کاسٹ کر رہے ہیں۔
ایشوریا کی بیٹی سے متعلق خبروں پر گوگل کو قانونی نوٹس جاری
راکھی نے اپنی زندگی کی کئی مشکلات اور چیلنجز کا ذکر بھی کیا۔ بالی ووڈ میں دو دہائیوں تک کام کرنے والی راکھی ساونت نے کہا کہ وہ ہمیشہ سے سلمان خان کی حمایت کو قدر کی نگاہ سے دیکھتی ہیں، کیونکہ وہ ان کے مشکل وقت میں ہمیشہ ان کے ساتھ کھڑے رہے ہیں۔ راکھی نے سلمان خان کو اپنی زندگی کا آئیڈیل اور اپنے کیریئر کے اہم حصے کے طور پر یاد کیا۔
اب راکھی، ہانیہ عامر اور پاکستانی ستاروں کے ساتھ تعلقات بڑھانے کے لیے تیار ہیں اور ان کی خواہش ہے کہ وہ پاکستان میں اپنے دوستوں کے ساتھ خوشگوار وقت گزاریں اور اس کے ساتھ ساتھ انڈسٹری کی مزید حمایت حاصل کریں۔
