کراچی کے جناح اسپتال میں موجود امریکی خاتون اونیجا اینڈریو نے سب کو ٹک ٹاک پر لگا دیا، پولیس اہلکار ہو یا وارڈ بوائے جو بھی اونیجا کے پاس گیا اس کی حرکتوں اور ٹک ٹاک کا حصہ بن گیا۔
کراچی میں کئی ہفتوں سے مقیم اور میڈیا کے زیربحث امریکی خاتون اونیجا اینڈریو رابنسن جناح اسپتال کے شعبہ نفسیات میں داخل ہیں۔
اسپتال ذرائع کے مطابق خاتون کی ذہنی حالت درست نہیں ہے، وہ بہکی بہکی باتیں کر رہی ہیں جبکہ ان کے ہاتھوں اور پیروں میں سوجن بھی پائی گئی تھی۔
خاتون کا ہلیموگلوبن بھی کم پایا گیا ہے اور انہیں بلڈ ٹرانسفیوژن تجویز کیا گیا ہے۔
تمام تر مشکلات کے باوجود اونیجا بے فکر نظر آتی ہیں اور اسپتال میں بھی ”فلٹرز“ کے ساتھ ٹک ٹاک وہیڈیوز بنانے میں مصروف ہیں۔ یہاں تک کہ اگر پولیس اہلکار اور وارڈ بوائز بھی ان کی ویڈیوز میں ”فیچر“ ہو رہے ہیں۔
کراچی میں نوجوان سے شادی کی دعوے دار امریکی خاتون اونیجا اینڈریو رابنسن کے بیٹے جیرامیا اینڈریو رابنسن انکشاف کرچکے ہیں کہ ان کی والدہ کی ذہنی حالت درست نہیں ہے۔
