پاکستانی اور بھارتی ٹیلی ویژن اسٹارز کنزہ ہاشمی اور منور فاروقی نے اپنے شاندار گانے ”ہوا بنکے ریتو ربا“ میں اپنی کیمسٹری سے سب کو حیران کن طور پر محظوظ کیا ہے۔

گانے کو مدھر آوازوں کے ساتھ نیہا ککڑ اور ریتو ربا نے گایا ہے، جبکہ وکی سندھو کے لکھے ہوئے بول اور رجت ناگپال کی ترتیب دی ہوئی موسیقی نے گانے کو ایک نیا رنگ دیا ہے۔

مادھوری سلمان خان کی بھابھی بنتے بنتے کیوں رہ گئیں؟

اس گانے کی شوٹنگ نیپال میں کی گئی ہے، جہاں کی خوبصورت مناظر کے ساتھ ویڈیو نے گانے کو مزید دلکش بنا دیا ہے۔

”ہوا بنکے“ گانا اس وقت ہندوستان میں ٹرینڈ کر رہا ہے اور صرف 7 گھنٹوں میں تقریباً 530 ہزار ویوز جمع کر چکا ہے۔ گانے کی مقبولیت میں روزبروزاضافہ ہو رہا ہے اور ہندوستان، پاکستان اور نیپال کے شائقین اس گانے کی دھن اور ویڈیو کے مداح بن گئے ہیں۔

کنزہ ہاشمی اور منور فاروقی کی کیمسٹری اس گانے کے خاص پہلو کے طور پر سامنے آئی ہے۔ ان کے مداحوں نے سوشل میڈیا پر ان دونوں کی جوڑی کو بے حد پسند کیا ہے۔

نیل نتن کے گورے رنگ نے انہیں گرفتار کروادیا

ایک صارف نے لکھا: ”کنزہ ہاشمی اور منور فاروقی ایک ساتھ اچھے لگ رہے ہیں“۔

اس گانے کی کامیابی سے دونوں اداکاروں کو اور ان کے مداحوں کو ایک اور موقع ملا ہے اپنی محنت اور کامیابی کا جشن منانے کا۔ ساتھ ہی نیہا ککڑ اور ریتو ربا بھی اپنے گانے کی کامیابی پر خوش ہیں اور اس سے بے حد پُرجوش ہیں۔

یہ گانا نہ صرف گانے کے شائقین کے لیے خوشی کا باعث بن رہا ہے بلکہ دونوں اداکاروں کی پرفارمنس نے ایک نیا معیار قائم کیا ہے جسے مداحوں کی جانب سے سراہا جا رہا ہے۔