چکن ایک لذیذ اورمرغوب غذا ہے، لیکن اگر اسے احتیاط سے نہ پکایا جائے تو یہ مختلف قسم کے انفیکشنز اور بیماریوں کا سبب بن سکتا ہے، جن میں جی بی ایس (گاسٹرک بائیلیری سسٹم) شامل ہے۔

اس سے بچنے کے لیے یہاں پانچ اہم تجاویز دی جا رہی ہیں، جو آپ کو محفوظ طریقے سے چکن کھانے میں مدد دیں گی۔

چکن کو صحیح طریقے سے پکانے اور ان احتیاطی تدابیر کو اپنانے سے آپ نہ صرف جی بی ایس جیسے انفیکشنز سے بچ سکتے ہیں، بلکہ اپنے جسم کو صحت مند بھی رکھ سکتے ہیں۔ اس کے علاوہ، متوازن غذا کا استعمال اور روزانہ پروٹین کی مقدار کو مناسب حد میں رکھنا ضروری ہے تاکہ صحت پر منفی اثرات نہ ہوں۔

چکن کو اچھی طرح دھو لیں

چکن کو پکانے سے پہلے اسےاچھی طرح دھونا ضروری ہے تاکہ اس میں موجود کسی بھی قسم کے بیکٹیریا اور جراثیم کو دور کیا جا سکے۔

چکن کو صاف پانی سے 3 سے 4 بار دھوئیں، اور نیم گرم پانی سے دھونے کے بعد اسے 3 سے 5 منٹ تک رہنے دیں تاکہ انفیکشن کا اثر کم ہو سکے۔ اس کے بعد پکانے کا عمل شروع کریں۔

ابالنا ضروری ہے

کچا چکن بیکٹیریا اور وائرس کا حامل ہو سکتا ہے، جو کہ جی بی ایس اور دیگر انفیکشنز کا سبب بن سکتا ہے۔ لہذا چکن کو پہلے اُبال کر اس کی سطح کو صاف کریں اور پھر اسے تیل یا دیگر طریقوں سے پکائیں۔ یہ آپ کو صحت کے مسائل سے بچانے میں مددگار ثابت ہوگا۔

متاثرہ چکن خریدنے سے گریز کریں

پولٹری خریدتے وقت ہمیشہ احتیاط برتیں اور متاثرہ چکن خریدنے سے گریز کریں۔ ۔ خریداری کے وقت چکن کے پیکٹ پر ”اینٹی بائیوٹک فری“ لیبل کو دیکھیں تاکہ یہ یقینی بنایا جا سکے کہ چکن میں کوئی اضافی کیمیکلز یا بیکٹیریا نہیں ہیں، جو آپ کے مدافعتی نظام کو متاثر کر سکتے ہیں۔

اچھی طرح پکائیں

اس بات کو یقینی بنائیں کہ چکن کم نہ پکا ہو، کیونکہ کم پکائے ہوئے چکن میں بیماریوں کے پھیلنے کا خطرہ ہوتا ہے۔

روزانہ جانوروں سے حاصل کی گئی پروٹین سے گریز کریں

اگرچہ چکن پروٹین کا اچھا ذریعہ ہے، مگر ماہرین کا کہنا ہے کہ روزانہ جانوروں کی پروٹین کا زیادہ استعمال گردوں کے لیے نقصان دہ ہو سکتا ہے۔ زیادہ پروٹین جسم میں مختلف افعال کو متاثر کر سکتا ہے۔

اس کے بجائے پودوں پر مبنی پروٹین کا استعمال کریں، جو صحت کے لیے زیادہ مفید ہوتا ہے۔ سبزی خور افراد ہفتے میں ایک یا دو بار چکن یا گوشت کو اپنے کھانے میں شامل کر سکتے ہیں۔