معروف گلوکار علی سیٹھی اور شے گل کے مقبول گانے“پسوڑی“ نے ایک اور اہم سنگ میل عبور کرلیا۔

کوک اسٹوڈیو سیزن 14 میں گلوکار علی سیٹھی اور گلوکارہ شائے گل کی جانب سے پیش کردہ مشہور زمانہ گانے ’پسوڑی‘ نے ایک اور ریکارڈ قائم کر لیا۔

رپورٹ کے مطابق سپرہٹ گانا یوٹیوب میوزک پر ایک ارب مرتبہ سنا جاچکا ہے، پسوڑی ایک ارب پلیز تک پہنچنے والا پہلا کوک اسٹوڈیو گانا بن گیا ہے۔

پسوڑی گرل شے گِل کا خود سے متعلق بڑا انکشاف

پاکستانی گانے پسوڑی نے نیا اعزاز حاصل کرلیا

اس گانے کوبھارت سمیت عالمی سطح پربھی بہت پزیرائی ملی تھی،سوشل میڈیا پر اس گانے نے دھوم مچا دی تھی اوراب بھی اسے اتنا ہی پسند کیا جاتا ہے۔

یہ گانا 2022 میں کوک اسٹوڈیو کے 14ویں سیزن میں ریلیز کیا گیا تھا جس نے گلوکارہ شے گل کو دنیا بھر میں مشہور کردیا تھا ۔

واضح رہے کہ پسوڑی، پنجابی زبان کا لفظ ہے جس کے معنی مصیبت کے ہیں۔

اس گانے کے دیوانے پاکستان اور بھارت سمیت دنیا بھر میں پائے جاتے ہیں جہاں ہر کوئی اس کے جادوئی دھنوں پر جھومنے پر مجبور ہے، دیسی ہو یا ودیسی ہر کوئی گلوکار علی سیٹھی اور شے گل کی مدھر کن آوازوں کے سحر میں مبتلا ہے۔