سردیاں شروع ہوتے ہی ادرک کا استعمال ہر گھر میں بڑھ جاتا ہے۔ ادرک خوشبو دار اور غذائی فوائد سے بھرپور ہے جو کچن میں مختلف پکوانوں میں استعمال ہوتا ہے۔ یہ کھانے کا ذائقہ بھی بڑھاتا ہے۔

سردیوں کے موسم میں اکثر لوگ ادرک کو گھر میں ذخیرہ کرتے ہیں لیکن کچھ عرصے بعد یہ خراب ہونا شروع ہو جاتا ہے۔ اکثر ادرک کو فریج میں رکھنے کے بعد یہ گلنا شروع ہو جاتا ہے۔ اگر اسے باہر رکھا جائے تو یہ خشک ہونے لگتا ہے۔

بھیگے بادام چھلکوں سمیت کھانے چاہئیں یا چھلکے اتار کر؟

ادرک کو طویل عرصے تک محفوظ رکھنا ضروری ہوتا ہے تاکہ اس کا ذائقہ اور غذائی خصوصیات برقرار رہیں۔ ادرک کو محفوظ کرنے کے مختلف طریقے ہیں، جنہیں آپ استعمال کر سکتی ہیں۔

خریدتے وقت ذہن میں رکھیں

ادرک خریدتے وقت اگر آپ کچھ باتوں کا خیال رکھیں تو اسے زیادہ دیر تک تازہ رکھنے کے لیے زیادہ محنت نہیں کرنی پڑے گی۔ اس کے لیے ادرک خریدتے وقت ہمیشہ تازہ ادرک خریدیں۔ مرجھا ہوا ادرک یا بہت گیلی ادرک زیادہ دیر نہیں چلے گی۔ ہمیشہ تازہ ادرک خریدیں۔

جلد کی دیکھ بھال کے لیے انڈے کی سفیدی کے 5 مؤثر فیس ماسک

فرج میں رکھنا (ٹھنڈی جگہ پر)

ادرک کو تازہ اور زیادہ دنوں تک محفوظ رکھنے کے لیے اسے فریج میں رکھنا بہترین طریقہ ہے۔ ادرک کے ٹکڑے یا پوری جڑ کو ایک کاغذی تولیہ میں لپیٹ کر ایک ایئرٹائٹ کنٹینر یا پولی تھیلین بیگ میں ڈال کر فریج میں رکھیں۔ اس سے ادرک کی نمی محفوظ رہتی ہے اور یہ زیادہ دیر تک تازہ رہتا ہے۔ آپ اسے فریج میں 3 ہفتے تک رکھ سکتی ہیں۔

ادرک کو فریز کرنا

ادرک کو طویل عرصے تک محفوظ رکھنے کے لیے آپ اسے فریز بھی کر سکتی ہیں۔ ادرک کو چھوٹے ٹکڑوں یا کترے ہوئے حالت میں فریزر بیگ یا ایئرٹائٹ کنٹینر میں ڈال کر فریزر میں رکھیں۔ آپ جب چاہیں، ادرک کے ٹکڑے نکال کر استعمال کر سکتی ہیں۔ یہ طریقہ ادرک کے ذائقے کو بہت زیادہ متاثر نہیں کرتا اور کئی مہینوں تک محفوظ رہتا ہے۔

اسے کاغذ میں رکھنا بہتر ہے

چیزوں کو زیادہ دیر تک تازہ رکھنا قدرے مشکل ہو سکتا ہے۔ اگر آپ ادرک کو ذخیرہ کرنے کا بہترین طریقہ تلاش کر رہی ہیں تو اسے کاغذ میں لپیٹ کر رکھیں۔ خیال رہے کہ اگر یہ گیلا ہو تو پہلے اسے سوتی کپڑے سے صاف کریں اور پھر اسے کچھ دیر کے لیے ہوا میں خشک ہونے کے لیے چھوڑ دیں۔ بعد میں اسے کاغذ میں لپیٹ لیں۔

ادرک کا رس نکال کر محفوظ کرنا

ادرک کا رس نکال کر اسے ایک ایئرٹائٹ کنٹینر میں رکھ کر فریج میں رکھا جا سکتا ہے۔ ادرک کا رس بہت زیادہ عرصے تک محفوظ رہ سکتا ہے اور جب بھی ضرورت ہو، آپ اسے استعمال کر سکتی ہیں۔

ادرک کو خشک کرنا

ادرک کو خشک کرکے بھی محفوظ کیا جا سکتا ہے۔ اس کے لیے ادرک کو چھوٹے ٹکڑوں میں کاٹ کر دھوپ میں یا اوون میں خشک کریں۔ خشک ادرک کو ایک محفوظ جار میں رکھ کر کئی مہینوں تک استعمال کیا جا سکتا ہے۔ خشک ادرک کا پاؤڈر بھی تیار کیا جا سکتا ہے جو مختلف کھانوں میں استعمال کیا جا سکتا ہے۔

ادرک کا اچار بنانا

ادرک کو اچار کے طور پر بھی محفوظ کیا جا سکتا ہے۔ ادرک کو ٹکڑوں میں کاٹ کر سرکہ اور نمک میں ڈال کر محفوظ کریں۔ یہ طریقہ ادرک کے ذائقے کو مزید بڑھاتا ہے اور آپ اسے کئی مہینوں تک استعمال کر سکتی ہیں۔