بالی ووڈ کی معروف اداکارہ دیپیکا پڈوکون کے نئے انداز نے مداحوں کو لیجنڈری اداکارہ ریکھا کی یاد دلادی۔
دیپیکا نے ممبئی میں فیشن ڈیزائنر سبیاساچی مکھرجی کے 25 سال مکمل ہونے پر منعقدہ خصوصی شو میں شرکت کی۔
دیپیکا نے ماں بننے کے بعد پہلی بار اپنے شوہر رنویر سنگھ کے ساتھ ریمپ پر واک بھی کی اور دونوں نے مداحوں کے دل جیت لیے۔
اس اوینٹ کی تصاویر سامنے آئیں تو سوشل میڈیا صارفین دیپیکا کو ریکھا سے بھی تشبیہہ دیتے نظر آئے۔
عابدہ پروین کی وہیل چیئر ویڈیو کا معمہ حل، حقیقت سامنے آگئی
ریمپ واک کیلئے دیپیکا نے ڈھیلی کریم شرٹ، میچنگ ٹراؤزر اور ٹرینچ کوٹ پہنا اور شاندار اسٹیٹمنٹ جیولری کے ساتھ اپنی لُک مکمل کی۔
ساتھ ہی انہوں نے کلائی میں کئی قسم کے بریسلیٹس بھی پہنے جو کئی جواہرات سے مزین تھے۔
اداکارہ نے اپنے بالوں کو اونچے بن میں باندھ رکھا تھا اور ساتھ عینک بھی پہنی تھی۔
’برا شگون‘ نامی بینڈ کے کانسرٹ میں بدشگونی، چھت مداحوں پر آگری، کئی زخمی
ویڈیوز سامنے آنے کے بعد ایک مداح نے کہا کہ ’ایک حقیقی ملکہ دیپیکا پڈوکون، ریکھا جی کی میراث کو آگے بڑھا رہی ہیں۔‘
ایک اور تبصرے میں لکھا گیا کہ ’کیا یہ دیپیکا ہے یا ریکھا؟ ایک نظر میں مجھے لگا یہ ریکھا ہے‘۔
سیف علی خان پر حملہ کرنے والا بنگلہ دیش سے کیوں بھاگا؟ والد کا انکشاف
ایک سوشل میڈیا صارف نے تبصرہ کیا کہ ’میں ان کا سب سے بڑا مداح ہوں لیکن پھر بھی مجھے یہ پہچاننے میں پانچ منٹ لگے کہ یہ دیپیکا ہے یا نہیں‘۔
ایک انسٹاگرام صارف نے لکھا کہ ’دیپیکا ریکھا کی بایوپک کر سکتی ہیں۔‘
