آپ کی آئبروز کا سلیقہ آپ کے چہرے کی خصوصیات کو نکھارنے کا ایک آسان طریقہ رہا ہے۔ اگر آپ کی آئبروز ہلکی ہیں تو اچھے آئی بروز پروڈکٹس مددگار ثابت ہو سکتے ہیں، مگر قدرتی علاج ایسی چیز ہے جو آپ کی آئبروز کو قدرتی طور پر گھنا بنانے میں مدد دیتےہیں اور اس کے نتائج دیرپا ہوتے ہیں۔

پچھلے کچھ سالوں میں آئبروز نے مرکزی توجہ حاصل کی ہے اور یہ جاننا ضروری ہے کہ آپ اپنی آئبروز کو کس طرح گھنا اور خوبصورت بنا سکتی ہیں۔

آپ کی آئبروز ہلکی کیوں نظر آتی ہیں؟

ہر عورت کی آئبروز دوسرے خصائص کی طرح مختلف ہوتی ہیں۔ زیادہ تر خواتین گھنی اور گہری آئبروز کو ترجیح دیتی ہیں، لیکن کچھ وجوہات کی بنا پر آئبروز ہلکی ہو سکتی ہیں۔

مہاسوں اور خشک جلد سے نجات کیلئے ایلوویرا جیل کیسے استعمال کریں؟

عام وجوہات میں ایلوپیشیا ایریٹا (بالوں کا قدرتی جھڑنا)، غذائی کمی (جیسے وٹامن سی، بایوٹن)، جلدی مسائل (ایگزیما، پسوریاسس)، ذہنی دباؤ اور انزائٹی، حمل اور زچگی، لیپروسی (ہینسن کی بیماری)، تھائرائڈ کی مشکلات، ٹیلیوجن ایفلوویئم (ہارمونز کی تبدیلی کے باعث بالوں کا جھڑنا) اور عمر کا بڑھنا شامل ہیں۔ ان وجوہات کے بارے میں جاننا ضروری ہے تاکہ آپ اپنی آئبروز کو گھنا کرنے کے مناسب طریقے اپناسکیں۔

آئی بروز کو قدرتی طور پر گھنا کیسے کریں؟

اگر آپ کی آئبروز کسی بیماری کی وجہ سے ہلکی ہو گئی ہیں تو آپ کو ڈاکٹر سے مشورہ کرنا چاہیے۔ تاہم، آپ کچھ قدرتی طریقوں سے اپنی آئبروز کو گھنا بنا سکتی ہیں۔

کافی

ایک تحقیق کے مطابق، کافی میں موجود کیفین بالوں کی بہتر افزائش کرتی ہے، اس لیے یہ ہلکی آئبروز کو گھنا کرنے میں مدد کر سکتی ہے۔

منہ کی بدبو سے نجات کے چند مفید طریقے

ایک چائے کا چمچ کافی کو آدھے چمچ شہد یا زیتون کے تیل کے ساتھ ملا کر پیسٹ بنالیں۔ اس پیسٹ کو اپنی آئبروز پر لگائیں اور 20 منٹ کے لیے چھوڑ دیں۔ جب یہ خشک ہو جائے، تو نیم گرم پانی سے دھو لیں۔ بہتر نتائج کے لیے اسے ہفتے میں دو بار استعمال کریں۔

پیاز کا رس

تحقیق ثابت کرتی ہے کہ پیاز کے رس کو لگانے سے بالوں کو بڑھنے میں مدد مل سکتی ہے۔ پیاز کا رس بالوں کو مضبوط اور گھنا بنانے کے لیے مشہور گھریلو علاج ہے، اور یہی طریقہ آپ کی آئبروز پر بھی کام کر سکتا ہے۔ پیاز کا رس رات کو اپنی آئبروز پر لگائیں اور سونے سے پہلے صاف کر لیں۔

انجیر کا تیل

کیا کسی نے کبھی آپ کو انجیر کے تیل کے استعمال کی تجویز دی ہے تاکہ آپ کی آئبروز دوبارہ بڑھیں؟ ایسا لگتا ہے کہ یہ واقعی مددگار ثابت ہو سکتا ہے۔ ”جرنل آف ڈرگس ان ڈرمیٹولوجی“ میں شائع ہونے والی ایک تحقیق میں بتایا گیا ہے کہ انجیر کا تیل بالوں کے بڑھنے اور ان کی معیار کو بہتر بنا سکتا ہے۔ مہینے میں دو بار اس تیل کو اپنی آئبروز پر لگائیں۔ اگر اسے باقاعدگی سے استعمال کیا جائے تو اس کے مثبت نتائج نظر آ سکتے ہیں۔

مساج

اگر آپ اپنی آئبروز کو گھنا بنانے کا صحیح طریقہ تلاش کر رہی ہیں، تو ایک سادہ مساج آزما سکتی ہیں۔ ہلکا سا مساج آئبروز کوگھنا کرسکتا ہے۔ آپ کو اپنی آئبروز کو گول گول دائروں کی شکل میں مساج کرنا چاہیے، اور بالوں کے بڑھنے کی سمت میں حرکت دینی چاہیے۔ یہ عمل ہفتے میں دو یا تین بار کریں تاکہ آپ نتائج دیکھ سکیں۔ اس سے خون کی روانی میں بہتری آئے گی اور بالوں کی افزائش کو فروغ ملے گا۔

ایلو ویرا

ایلو ویرا ایک قدیمی اور قدرتی علاج ہے جو آپ کی جلد کو سکون دینے اور نمی فراہم کرنے کی خصوصیت رکھتا ہے۔ اس میں 75 سے زیادہ فعال اجزاء شامل ہیں، جن میں وٹامن A، C، E، B12 اور کولیجن شامل ہیں، جو بالوں کوگھنا کرنےمیں مدد دے سکتے ہیں۔ بس ایک تازہ ایلو ویرا پتے سے جیل نکال کر اسے اپنی آئبروز پر لگائیں۔ 30 منٹ تک چھوڑ دیں، پھر گرم پانی سے دھو لیں اور نتیجہ خود دیکھیں۔