دی سمپسنز وہ مشہور کارٹون شو جو کئی بار مستقبل کے واقعات کی پیش گوئی کرنے کا دعویٰ کرتا ہے ایک بار پھر سوشل میڈیا پر موضوعِ بحث بن گیا ہے۔ اس بار ایک عجیب و غریب افواہ گردش کر رہی ہے کہ اس شو نے 16 جنوری 2025 کو عالمی انٹرنیٹ بندش کی پیش گوئی کی تھی۔

سوشل میڈیا پر ایک ایڈٹ شدہ ویڈیو وائرل ہو رہی ہے جس میں دکھایا گیا ہے کہ دی سمپسنز کی ایک قسط میں مذکورہ دعویٰ کیا گیا تھا۔

ویڈیو کے مطابق یہ انٹرنیٹ بندش ڈونلڈ ٹرمپ کی حلف برداری کے ساتھ ہوگی جو حقیقت میں 20 جنوری کو ہونے والی ہے نہ کہ 16 جنوری کو۔

پاکستانی دھوکے باز کی بھارتی شخص کو لوٹنے کی کوشش ناکام، شکار ہنستا رہ گیا

اس ویڈیو نے لوگوں کو خوب ہنسایا اور انسٹاگرام پر صارفین نے دلچسپ تبصرے کیے۔

کسی نے کہا، “ 16 جنوری کو ریچارج ختم ہونے والا ہے۔“

ایک اور صارف نے ہنستے ہوئے لکھا، ”اچھی بات ہے میں گھر سے کام کرتا ہوں تو میری چھٹی ہوگی!“۔

کئی لوگوں نے ویڈیو کو مزاحیہ ایموجیز کے ساتھ شیئر کیا۔

ویڈیو میں کچھ صارفین نے مزید مذاق میں کہا کہ بلیک آؤٹ کی وجہ ایک وائٹ شارک ہوگی جو زیر سمندر کیبل کو کاٹ دے گی۔

پابندی کی لٹکتی تلوار، ایلون مسک ٹک ٹاک بھی خرید رہے ہیں؟

اگرچہ یہ سننے میں عجیب لگتا ہے لیکن حقیقت میں شارک کے دانتوں کے نشانات زیرِ سمندر کیبلز پر دیکھے گئے ہیں۔

بی بی سی کی ایک رپورٹ کے مطابق شارک اور باراکوڈا مچھلیاں اکثر ان کیبلز کو نقصان پہنچاتی ہیں۔

گوگل نے اس مسئلے کے حل کے لیے اپنی کیبلز کو مضبوط مواد سے لپیٹنا شروع کر دیا ہے تاکہ انہیں محفوظ بنایا جا سکے۔