نیند نہ آنا اور رت جگے عموماً عاشقوں سے منسوب سے کئے جاتے ہیں، لیکن ڈیجیٹل دنیا کے اس دور میں جب موبائل کے محبوب کی جگہ لینے پر رات کو جاگنا عام سی بات بن گئی ہے۔ لیکن یہ نہ سمجھیں کہ اس سے کوئی نقصان نہیں ہوگا، راتوں کا جاگنا اپنا اثر ضرور دکھاتا ہے، کیا آپ یقین کریں گے کہ یہ آپ کے وزن میں اضافے کا باعث بھی بن سکتا ہے۔

لڑکیوں کے لئے خاص طور پر رات دیر تک جاگنا وزن میں اضافے کا باعث بن سکتا ہے۔

ایک حالیہ تحقیق میں کہا گیا ہے کہ جو لڑکیاں رات کو پوری نیند نہیں لیتیں عموماً ان کا وزن زیادہ ہوتا ہے۔

وزن میں اضافہ بہت سے لوگوں کے لیے انتہائی دباؤ کا باعث ہو سکتا ہے۔

برطانیہ کی پیٹو خاتون نے کاٹن کینڈی کھانے کا ریکارڈ بنا دیا

زیادہ تر لڑکیاں سلم جسم کا خواب دیکھتی ہیں، وزن کم کرنے کے لیے وہ بھوکی رہنا یا بلکل کم کھانے کو ترجیح دیتی ہیں۔ لیکن اس کے ساتھ ہی اہم بات یہ کہ بری عادات پر توجہ نہیں دیتیں جو غیر ارادی طور پر وزن میں اضافے کا باعث بن سکتی ہے۔

خراب طرز زندگی سے لے کر سونے کی عادت تک بہت سے عوامل ہوسکتے ہیں جو وزن میں اضافے کا باعث بن سکتے ہیں۔

محققین نے وزن پر ناکافی نیند کے مضر اثرات کی نشاندہی کی ہے۔

ایک تحقیق کے مطابق جو نوعمر لڑکیاں دیر سے سونے کو ترجیح دیتی ہیں ان کا وزن بڑھنے کا امکان اسی عمر کی دوسری لڑکیوں کے مقابلے میں زیادہ ہوتا ہے جو جلدی سوتی ہیں اور بھرپور نیند لیتی ہیں۔

جریدے ”JAMA Pediatrics“ میں شائع ہونے والی ایک تحقیق کے مطابق مجموعی طور پر 804 نوعمروں، 418 لڑکیوں اور 11 سے 16 سال کی عمر کے 386 لڑکوں کا تجزیہ کیا گیا۔

مرد باپ بننے کے بعد موٹے کیوں ہوجاتے ہیں؟ ماہرین کا بڑا انکشاف

ان سے نیند کی عادات پر سوالناموں کا جواب مانگا گیا اور ایک موومنٹ چیک کرنے والا آلہ کلائی پر پہنایا گیا جو حرکت کو ٹریک کرتا ہے۔

امریکہ میں صحت کی دیکھ بھال کرنے والی کمپنی کیزر پرمینٹ کے محققین نے کہا کہ مطالعہ کے دوران تحقیقی ٹیم نے شرکاء کی کمر کے سائز کی پیمائش کی اور دوہری توانائی ایکس رے جذب کرنے والی تکنیک کا استعمال کرتے ہوئے ان کے جسم میں چربی کے تناسب کا حساب لگایا۔

انہوں نے بچوں کے سوشل جیٹ لیگ کا بھی اندازہ لگایا، ان کے ویک اینڈ پر ہفتے کی رات اور ہفتے کے آخر میں سونے کے اوقات میں فرق معلوم کیا گیا۔

تحقیق کے مطابق، لڑکیوں کے لیے، دیر تک جاگنے کا تعلق کمر کے سائز اور جسم کی چربی میں اضافے سے تھا۔

روزانہ پاستا کھانے کے فوائد و نقصانات کیا ہیں؟

اگرچہ محققین نے لڑکوں میں ان اقدامات اور کمر کے سائز اور جسم کی چربی کے درمیان معمولی تعلق پایا، لیکن وہ اعدادوشمار کے لحاظ سے اہم نہیں تھے۔

محققین نے یہ نتیجہ اخذ کیا کہ نیند کے نظام الاوقات کو بہتر بنانے سے بچپن اور جوانی میں خاص طور پر لڑکیوں میں موٹاپے کو روکنے میں مدد مل سکتی ہے۔