اگر آپ اپنے کھڑوس باس سے پریشان ہیں اور دل کرتا ہے کہ اسے گالیاں دیں کھری کھوٹی سنائیں لیکن نوکری کھوجانے کے ڈر سے کچھ کہہ نہیں پاتے تو وقت آگیا ہے دل کا غبار نکال دیں، کیونکہ ایک کمپنی آپ کی جانب سے آپ کے باس کو گالیاں دینے کیلئے تیار ہے۔
امریکا میں ایک کمپنی نے گمنام طور پر ڈانٹنے اور گالیاں دینے کی سروس شروع کی ہے جو کہ ملازمین کو ایک ایسا محفوظ آؤٹ لیٹ فراہم کر رہی ہے، جس سے آواز اٹھانے کے بعد کے نتائج کا خوف ختم ہو رہا ہے۔
یہ کمپنی اسٹینڈ اپ کامیڈین اور اداکار کیلیمار وائٹ نے قائم کی ہے، جن کے تقریباً 280,000 انسٹاگرام فالوورز ہیں۔ انہوں نے اس کمپنی کو ”OCDA“ (ایک غیر منافع بخش ادارہ) کے طور پر طاہر کیا ہے۔
کمپنی کا مشن شکایات کو تسلیم کرنا، جوابدہی کو فروغ دینا اور کام کی جگہ پر احترام کو فروغ دینا ہے۔
باس کی توند کا مذاق اُڑانے پر خاتون کو کیا سزا دی گئی؟
یہ کمپنی کیسے کام کرتی ہے؟
جب کوئی کلائنٹ درخواست جمع کراتا ہے تو OCDA مخصوص باس یا ساتھی کا سامنا کرنے کے لیے ان کے کام کی جگہ پر ایک تربیت یافتہ ”ڈانٹنے والا“ بھیجتی ہے۔ یہ پیشہ ور ”ڈانٹنے والا“ ایک زبردست اور پرجوش ڈانٹ ڈپٹ کرتا ہے، ساتھ ہی احتیاط سے مؤکل کی شکایات کو بیان کرتا ہے۔ تصادم کی شدت یا باس کے ردعمل سے قطع نظر ایجنٹ پہلے سے طے شدہ اسکرپٹ پر عمل کرتا ہے۔
سروس ایریا سے باہر کے مقامات کے لیے فون کالز کے ذریعے ڈانٹ ڈپٹ کی جاتی ہے۔
کمپنی اپنی سروسز کی قیمتوں کو خفیہ رکھتی ہے۔
ہر سیشن کے بعد، OCDA اپنے یوٹیوب چینل پر غیر ترمیم شدہ ”ڈانٹنے والی“ ویڈیوز اپ لوڈ کرتا ہے، اس چینل نے بھی 80,000 سے زیادہ سبسکرائبرز حاصل کیے ہیں۔
OCDA فی الحال سوشل میڈیا کے ذریعے ”ڈانٹنے والوں“ کو بھرتی کر رہا ہے، جس کیلئے کچھ انوکھے تقاضے رکھے گئے ہیں، جیسے کہ ”والدین ہونا جو اپنے بچوں پر کثرت سے ڈانٹ ڈپٹ کرتے ہوں“۔
کمپنی کی غیر روایتی سروس نے آن لائن تفریح اور تجسس کی ایک لہر کو بھڑکا دیا ہے۔
دن کے 14 گھنٹے ہفتے کے ساتوں دن کام کی تجویز دینے والے باس کو قتل کی دھمکیاں ملنے لگیں
ایک صارف نے کہا، ’کمپنی ون اسٹار رویے کے ساتھ اپنے کلائنٹس کے مالکان کو 5 اسٹار سروس فراہم کر رہی ہے۔‘
ایک اور نے تبصرہ کیا، ’براہ کرم اسے چین لے آئیں۔ مجھے اس کی فوری ضرورت ہے۔‘
