ہوائی جہاز میں سوار ہونے والے مسافروں کے لیے کچھ چیزیں ایسی ہوتی ہیں جن کا انہیں علم ہی نہیں ہوتا۔
جیسا کہ طیارے میں سوار ہونے کے لیے لوگ بہترین نشست کا انتخاب کرتے ہیں لیکن اس کے باوجود وہ اپنی سیٹ سے مطمئن نہیں ہوپاتے۔
مگر ایک مسافر نے حال ہی میں دریافت کیا کہ جہاز میں بیٹھنے کے لیے سب سے آرام دہ نشت کونسی ہوسکتی ہے؟
میڈیا رپورٹ کے مطابق جان برفیٹ نامی مسافر نے مشورہ دیا کہ طیارے میں سب سے خراب نشست ہی مسافر کیلئے بہترین سیٹ ہے۔
جان برفٹ کے مطابق سفر کے دوران ہوئی جہاز میں سب سے اچھی سیٹ ٹوئلٹ کے پاس والی سیٹ ہے۔
اس کی وجہ بتاتے ہوئے جان نے ایک سوشل پلیٹ فارم پر لکھا ٹوئلٹ کے قریب والی سیٹ سب کو ناگوار لگتی ہے مگر حقیقت میں وہ سب سے آرام دہ سیٹ ہوسکتی ہے۔
انہوں نے بتایا کہ ایک مرتبہ پرواز کے دوران مسلسل میری سیٹ کے پیچھے مسافر کی لاتیں لگتی رہیں جسے میں نے برداشت کیا اور پھر فیصلہ کیا کہ آئندہ کبھی ایسی سیٹ پر نہیں بیٹھوں گا۔
واش روم کے پاس موجود سیٹ سے متعلق جان برفٹ نے مزید دعویٰ کیا کہ سفر کے آخر میں وہ باتھ روم گئے تو ان کی نظر بیت الخلا کے ساتھ والی نشست پر پڑی اور انہیں احساس ہوا کہ اس سیٹ کے پیچھے دیوار کے سوا کچھ نہیں۔ اگر وہ یہاں بیٹھ جاتا تو کوئی بھی ان کی پیٹھ میں دوبارہ لات نہیں مار سکتا تھا۔
