بھارتی ڈرامے کے معروف اداکار وکاس سیٹھی آج صبح چل بسے۔

انہوں نے بھارتی ڈرامہ سیریل ’کیوں کہ ساس بھی کبھی بہو تھی‘ سے شہرت حاصل کی تھی۔

بھارتی میڈیا رپورٹس کے مطابق 48 سالہ وکاس سیٹھی نیند کے دوران دل کا دورہ پڑنے سے چل بسے۔

انہوں نے اپنے پسماندگان میں اہلیہ جھانوی سیٹھی اور جڑواں بچے چھوڑے ہیں۔

وکاس سیٹھی نے کیوں کہ ساس بھی کبھی بہو تھی، کہیں تو ہوگا، کسوٹی زندگی کی سمیت متعدد ڈراموں میں اداکاری کے جوہر دکھائے تھے۔

اس کے علاوہ وکاس سیٹھی بالی ووڈ کی مشہور فلم کبھی خوشی کبھی غم میں بھی جلوہ گر ہوچکے ہیں۔

وکاس سیٹھی کی اچانک موت پر اہلخانہ سمیت بھارتی شوبز شخصیات اور مداح گہرے رنج میں مبتلا ہیں۔