کچھ دنوں قبل یوگراج سنگھ نے ایک بھارتی چینل کو انٹرویو دیتےہوئے ایم یس دھونی پر الزام عائد کیا تھا کہ ایم ایس دھونی نے میرے بیٹے کا کیریئر تباہ کیا ہے، میں اسے کبھی معاف نہیں کروں گا، دھونی کو آئینے میں اپنا چہرہ دیکھنا چاہیے۔ وہ ایک بڑا کرکٹر ہے، لیکن اس نے میرے بیٹے کے ساتھ جو کچھ کیا وہ میں کبھی معاف نہیں کروں گا۔

اب یوگراج سنگھ کی ایک اور ویڈیو وائرل ہوئی ہے، جس میں انہوں نے بھارتی کرکٹ ٹیم کے سابق آل راونڈراورکپتان کپل دیو کو دھمکی آمیز رویہ اختیار کرتے ہوئےکہا ہے کہ میں تمہیں دنیا کے اس مقام پر لاکر کھڑا کردوں گا کہ دنیا تم پر تھوکے گی۔ کپل دیو نے مجھے بھارتی کرکٹ ٹیم سے نکلوایا تھا اور میرا کیریئر ختم کیا تھا۔

دوسری جانب یوگراج سنگھ کےبیٹے یووراج سنگھ کا بھی اپنے والد کے متعلق ایک بیان سامنے آیا ہے۔

گذشتہ برس نومبر میں دیے گئے ایک پوڈ کاسٹ میں انہوں نے اپنے والد کی ذہنی صحت پر شک کیا تھا۔ یووراج سنگھ نے اس پوڈ کاسٹ میں کہا تھا کہ ایسا محسوس ہورہا ہے کہ میرے والد ذہنی مسائل کا شکار ہیں۔ لیکن میرے والد اییسا نہیں سمھجتے ہیں اور نہ ہی مانتے ہیں۔