شادی کا جشن تو ہر کوئی مناتا ہے مگر اب لوگوں کی جانب سے طلاق کا بھی باقاعدہ جشن منانے کا ٹرینڈ چل چکا ہے۔

حال ہی میں ایک خاتون کی ویڈیو سوشل میڈیا کی زینت بنی جس میں انہوں نے طلاق کا پرجوش طریقے سے انتظام کیا۔ صرف یہی نہیں بلکہ اپنی طلاق کا جشن منانے کے لیے انہوں نے ڈانس بھی کیا۔

مصری خاتون کا اپنی طلاق پر جشن اور سونے کے تحائف تقسیم

ویڈیو میں دیکھا جا سکتا ہے کہ مذکورہ خاتون پرپل تھیم سے اپنے گھر کو روشن کیا ہوا ہے، طلاق کی خوشی میں خاتون کو لہنگا چولی پہنے مختلف بالی وڈ کے میش اپ گانوں پر رقص کرتے دیکھا جاسکتا ہے۔

ویڈیو میں دیکھا گیا کہ خاتون کے عقب میں طلاق مبارک کے نام سے غبارے بھی لگائے گئے ہیں اور خاتون مختلف گانوں پر پرجوش انداز میں اپنی طلاق کا جشن مناتی نظر آرہی ہیں۔

میڈیا رپورٹس کے مطابق رقص کرنے والی خاتون کا تعلق امریکا سے بتایا گیا ہے جو کہ وہاں ایک اسٹور میں نوکری کرتی ہیں، تاہم خاتون کی اپنے شوہر سے طلاق کی وجہ معلوم نہ ہوسکی۔

یہ دیکھ کر سوشل میڈیا صارفین نے خاتون کو شدید تنقید کا نشانہ بنایا۔