کوک اسٹوڈیو کے یوں تو تمام گانے ہی اپنی مثال آپ ہیں لیکن تقریباً ایک ماہ قبل ریلیز ہونے والا گانا ’ بلاک بسٹر’ اتنا کیوں مقبول ہورہا ہے؟ تو آئے اس گانے سے جڑے کچھ راز ہم اپکے سامنے رکھتے ہیں۔
کوک اسٹوڈیو سیزن 15 کا گانا ’ بلاک بسٹر’ حقیقت میں بھی ایسا ہی ہے گانے میں موجود فارس شفیع کو حیران کُن اوتار میں دیکھا گیا جو ان کے مداحوں سمیت دنیا بھر کے میوزک لوورز کو بھا گیا۔
ہپ ہاپ گانے میں ’گھاوری گروپ‘ کے گدے ’وے بیبی رکشہ میں کرالیا میں تیرے ولے آریاں۔۔۔ وے مرجانیا‘ نے تہکلہ مچا دیا ہے۔
اپنے نام کی طرح گانا بھی بلاک بسٹر ثابت ہوا جسے اب تک صرف یوٹیوب پر 13 ملین سے زائد مرتبہ دیکھا جا چکا ہے۔
اور اگر باتکی جائے گانے کی جان ننھی سنگر کی تو اِس بچی کی کیا ہی بات ہے ۔ ہپ ہاپ میں دیسی تڑکہ لگانے کے بعد گانے کے پروڈیوسر ’زلفی‘ نے مداحوں کو کے سامنے ایک ایسا منفرد انداز پیش کیا جس کو دیکھ کر سن ہی جھوم اٹھے ہیں ، گانے کے بیچ میں ایک بچی نمودار ہوئی جو اپنے کانفیڈنس اور خوبصورت گائیکی کی بدولت پوری ویڈیو میں ننھی ’شو اسٹاپر‘ معلوم ہوئی۔
گانے کے پروڈیوسر ’زلفی‘ نے مداحوں کے سامنے اس بچی کے حوالےسے کچھ معلومات شئیر کیں۔
انھوں نے بتایا کہ ’گھاوری گروپ اپنی ریہرسلز کیلئے جب اسٹوڈیو پہنچا تو ان کے ساتھ ایک چھوٹی بچی بھی موجود تھی جو اپنے چھوٹے بھائی کو سنبھال رہی تھی۔ ز لفی نے بتایا کہ ریکارڈنگ کے دوران اچانک میری سماعت میں بچی کی آواز گونجی جو اپنے بھائی کو گانے کے بول ’کیوٹی تینوں میں سمجھاریا وے چھڈ دے تو فنکاریاں کہہ کر سلا رہی تھی۔
انہوں نے مزید کہا کہ بچی کی آواز کانوں کو اتنی بھلی لگی کہ میں اسے ریکارڈنگ کیلئے اسٹوڈیو میں لے گیا اور یہ دیکھ کر کوک اسٹوڈیو کی پوری ٹیم حیران رہ گئی کہ بچی بلکل میں کنفوژ نہیں ہوئی اور اپنی تمام لائنز ایک دم کانفیڈنس کے ساتھ ریکارڈ کروادیں جس کے بعد مکمل گرومنگ کرکے ’ سباہ’ نامی ننھی گلوکارہ کو گانے میں شامل کرلیا گیا۔
ایک ماہ پہلے ریلیز ہونے ولا گانا ’بلاک بسٹر‘ زبردست ڈانس آئٹم اور ’ون ٹیک شاٹ ویڈیو‘ کی بدولت ایک الگ مقام پر چلاگیا ہے جو دنیا بھر سے تعریف سمیٹ رہا ہے ۔
